ఎన్నికల పరిశీలకులు రాజ్యలక్ష్మి..

కల్వకుర్తి: గ్రామ పంచాయతీ ఎన్నికల నామినేషన్ల స్వీకరణలో అధికారులు ఎలాంటి పొరపాట్లకు తావు ఇవ్వకుండా చూడాలని రాష్ట్ర ఎన్నికల పరిశీలకులు రాజ్యలక్ష్మి అన్నారు. కల్వకుర్తి మండలంలో నామినేషన్ల స్వీకరణ ప్రక్రియను పరిశీలించి అధికారులకు సూచనలు చేశారు. నామినేషన్ల ప్రక్రియ ఎలా కొనసాగుతున్నది, ఇప్పటివరకు వచ్చిన దరఖాస్తుల వివరాలు, నిర్వహణలో తీసుకుంటున్న జాగ్రత్తలు వంటి అంశాలను అడిగి తెలుసుకున్నారు. ఎలాంటి ఇబ్బందులు లేకుండా, పొరపాట్లకు తావు లేకుండా చూడాలని అధికారులకు ఆదేశించారు. మార్చాలా, తర్నికల్  క్లాస్టర్లలో నామినేషన్ ప్రక్రియను పరిశీలించి క్లస్టర్ వద్ద తీసుకుంటున్న జాగ్రత్తలపై సంతృప్తి వ్యక్తం చేశారు. ఎన్నికల అధికారి సీతారాం, ఎమ్మార్వో ఇబ్రహీం, ఎంపీడీవో వెంకట్రాములు, తదితరులు ఉన్నారు.