యాదాద్రి భువనగిరి (విజయక్రాంతి): ప్రసిద్ధ పుణ్య క్షేత్రం యాదాద్రి అనుబంధ ఆలయమైన శ్రీ పర్వత వర్ధినీ సమేత రామలింగేశ్వర స్వామి ఆలయంలో శ్రీదేవీ శరన్నవరాత్రి ఉత్సవాలలో భాగంగా ఎనిమిదవ రోజు గురువారం దుర్గాదేవీ అలంకారంలో అమ్మవారు దర్శనం ఇచ్చారు. ప్రాతఃకాల పూజ అర్చనలు పారాయణములు గాయత్రీ జపములు లలిత సహస్రనామార్చన దుర్గాష్టమి పురస్కరించుకొని విశేషంగా చండీ హవనం జరిగినది. మధ్యాహ్న పూజ నీరాజన మంత్రపుష్పములు తీర్థప్రసాద వితరణ జరిగినది. సాయంకాలం శ్రీదేవీ నవావరణ పూజ సహస్రనామార్చన నీరాజనం మంత్రపుష్పములు దుర్గా స్వరూప సువాసినీ పూజ  పూజ తీర్థ ప్రసాద వితరణ జరుగును.