ముఖ్యఅతిథిగా తూళ్ళ బిక్షపతి గౌడ్

మేడిపల్లి,(విజయక్రాంతి): నూతన గౌడ సంఘం రాష్ట్ర అధ్యక్షులు ఉడుతల బాలకృష్ణ గౌడ్ ఆద్వర్యంలో మేడిపల్లిలోని సర్దార్ పాపన్న ప్రాంగణంలో శనివారం మేడ్చెల్ జిల్లా ఆత్మీయ సమావేశం నిర్వహించి, నూతన కార్యవర్గం ఏర్పాటు చేయడం జరిగింది.ఈ కార్యక్రమానికి ముఖ్య అతిధులుగా ప్రజా సంక్షేమ సంఘం అధ్యక్షుడు తూళ్ళ బిక్షపతి గౌడ్,సత్యరాజ్ గౌడ్ లు పాల్గొన్నారు. రాష్ట కమిటి ఉపాద్యక్షులు ఎలికట్టె ఆనంద్ గౌడ్, రాష్ట్ర కార్యదర్శి కట్కూరి ప్రదీప్ గౌడ్, రాష్ర్ట సోషల్ మీడియా ఇంచార్జ్ అంజాగౌడ్ ల ఆధ్వర్యంలో నూతన కార్యవర్గాన్ని ఏర్పాటు చేశారు.

మేడ్చెల్ జిల్లా మహిళా ఉపాధ్యక్షురాలు బాలుసాని పుష్పలత గౌడ్, పీర్జాదిగూడ మున్సిపల్ కార్పోరేషన్ కన్వినర్ కళ్లేం అశోక్ గౌడ్, ఉపాధ్యక్షులు మద్దెల గోపి గౌడ్, జాయింట్ కన్వీనర్ బత్తిని సంంతోషి గౌడ్, సెక్రెటరి చెరుకు లక్ష్మీ గౌడ్, మార్క వెంకటేష్ గౌడ్, సురేష్ గౌడ్, కుంచె సాయి కిరణ్ గౌడ్, పంజాల శ్రీహరి గౌడ్,ఎక్సక్యూటీవ్ మెంబర్ కాసగాని కమల్ గౌడ్, కె. క్రిష్ణ గౌడ్, మూల దయానంద్ గౌడ్ లని ఎన్నుకున్నారు. ఈ కార్యక్రమాన్ని ఉద్దేశించి రాష్ట్ర అధ్యక్షులు మాట్లాడుతూ.. గత 5 సంవత్సరాలుగా నూతన గౌడ సంఘం ఎన్నో సేవాకార్యక్రమాలు చేసింది.

అందులో బాగంగా బీద కుటుంబంలో వధువుకి పుస్తే మెట్టెలు ఉచితంగా పంపిణీ చేశామని, గీతాకార్మికులు చనిపోతే వారి కుటుంబానికి తక్షణ ఆర్దిక సాయం కింద పదివేల రూపాయలు సంఘం తరపున ఇస్తున్నామని, ప్రభుత్వం ద్వారా 5 లక్షల ఎక్స్గ్రేషియా ఇప్పిస్తామని,గౌడ మహిళలను కించపరిస్తే వారిపైన కేసులు పెడతామని,తాడి చెట్లను నరికి వేస్తే కఠిన చర్యలు తీసుకుంటామని,ఎవరికైన ఆపద వస్తే నూతన గౌడసంఘం ముందుంటుందని ఉడుతల బాలకృష్ణ గౌడ్ తెలిపారు.