పోలీస్ కమిషనర్ విజయ్ కుమార్..

సిద్దిపేట క్రైం: గ్రామ పంచాయతీ ఎన్నికలను ప్రశాంతంగా, నిష్పక్షపాతంగా నిర్వహించేందుకు ప్రవర్తనా నియమావళిని ఖచ్చితంగా పాటించాలని పోలీస్ కమిషనర్ విజయ్ కుమార్ స్పష్టం చేశారు. ఎన్నికల ప్రచారంలో భాగంగా ర్యాలీ లేదా బహిరంగ సభ నిర్వహించాలంటే అసిస్టెంట్ కమిషనర్ ఆఫ్ పోలీస్ ముందస్తు అనుమతి పొందాలని సూచించారు. ప్రచార వాహనాలకు స్థానిక తహశీల్దార్ కు దరఖాస్తు సమర్పించి, అనుమతి పొందాలని సూచించారు.

అనుమతి లేకుండా ర్యాలీలు, సమావేశాలు నిర్వహిస్తే, ఎన్నికల నిబంధనల ప్రకారం చట్టపరమైన చర్యలు తీసుకుంటామని హెచ్చరించారు. నామినేషన్ల ఉపసంహరణ, ఏకగ్రీవం కోసం ఎవరినైనా బెదిరించినా, ప్రలోభపెట్టినా కఠిన చర్యలు తీసుకుంటామని హెచ్చరించారు. అభ్యర్థులు, వారి  మద్దతుదారులు ఎన్నికల  నియమాలను, చట్టాలను గౌరవించి, ప్రశాంత వాతావరణంలో ఎన్నికలు జరిగేందుకు సహకరించాలని సీపీ కోరారు.