​నూతనకల్ (విజయక్రాంతి): ​ప్రతి ఒక్కరూ ఎన్నికల నిబంధనలను తప్పనిసరిగా పాటించాలని నూతనకల్ ఎస్సై నాగరాజు కోరారు. మండల కేంద్రంలోని సూర్యాపేట-దంతాలపల్లి ప్రధాన రహదారిపై ఆదివారం వాహనాల తనిఖీ నిర్వహించి, వాహనదారుల ధృవీకరణ పత్రాలను పరిశీలించారు. గ్రామపంచాయతీ ఎన్నికల కోడ్ అమలులో ఉన్నందున, ఎవరూ కూడా ₹50,000 కంటే ఎక్కువ నగదును సరైన పత్రాలు లేకుండా తీసుకువెళ్లకూడదని, ​ఒకవేళ ఎవరైనా ₹50,000 కంటే ఎక్కువ డబ్బుతో పట్టుబడితే, ఆ మొత్తాన్ని సీజ్ చేసి, జిల్లా ట్రెజరీలో డిపాజిట్ చేయబడుతుందని ఎస్సై నాగరాజు హెచ్చరించారు.​ ఈ తనిఖీల్లో ఆయన వెంట పోలీసు సిబ్బంది పాల్గొన్నారు.