కుమ్రంభీం ఆసిఫాబాద్, నవంబర్ 3 (విజయక్రాంతి): ఆసిఫాబాద్ జిల్లా కేంద్రంలోని గిరిజన ఆదర్శ క్రీడా బాలికల పాఠశాలలో గత రెండు రోజులుగా హ్యాండ్‌బాల్ అసోసియేషన్ అధ్వర్యంలో సదానందం(పీడీ) జ్ఞాపకార్థం నిర్వహిస్తున్న 38వ రాష్ట్రస్థాయి హ్యాండ్‌బాల్ పోటీలు హోరాహోరీగా సాగుతున్నాయి.

ఆదివారం ఉమ్మడి ఆదిలాబాద్, కరీంనగర్, మహబూబ్‌నగర్, రంగారెడ్డి జిల్లాలు సెమీ ఫైనల్‌కు చేరుకున్నాయి. సెమీ ఫైనల్‌లో కరీంనగర్‌పై ఆదిలాబాద్ జట్టు విజయం సాధించగా, రంగారెడ్డిపై మహబూబ్‌నగర్ జట్టు గెలుపొందింది. సోమవారం జరుగనున్న ఫైనల్ పోటీల్లో ఆదిలాబాద్, మహబూబ్‌నగర్ జట్లు తలపడనున్నాయి.