‘కెనరా విద్యాజ్యోతి’ కింద 49.44 లక్షలు పంపిణీ

హైదరాబాద్ సిటీబ్యూరో, ఆగస్టు 14 (విజయక్రాంతి): కెనరా బ్యాంక్ ఆధ్వర్యంలో డాక్టర్ బీఆర్ అంబేద్కర్ ‘కెనరా విద్యాజ్యోతి’ స్కాలర్‌షిప్ 2024 కార్యక్రమాన్ని బుధవారం హైదరాబాద్‌లోని సర్కిల్ కార్యాల యంలో నిర్వహించారు. ఈ కార్యక్రమాన్ని జాతీయ షెడ్యూల్ కులాల కమిషన్ డైరెక్టర్ జీ సునీల్‌కుమార్ బాబు, రాష్ట్ర ఎస్సీ, ఎస్టీ కమిషన్ చైర్మన్ బక్కి వెంకటయ్యతో పాటు బ్యాంక్ జనరల్ మేనేజర్ బీ చంద్రశేఖర్ ప్రారంభించారు.

కెనరా బ్యాంకు వ్యవస్థాపకులు అమ్మెంబళ సుబ్బారావుకు నివాళిగా కెనరా విద్యాజ్యోతి పథకం ప్రారంభించినట్లు తెలిపారు. గ్రామీణ, సెమీ అర్బన్ ప్రాంతాలకు చెందిన ఎస్సీ, ఎస్టీ మెరిటోరియస్ బాలికలకు స్కాలర్‌షిప్‌లను అందించ డానికి 2013 ఈ కార్యక్రమం ప్రారంభించబడిందని చెప్పారు. ఈ కార్యక్రమంలో భాగంగా రాష్ట్రంలోని అన్ని కెనరా బ్యాంకు బ్రాంచ్‌లలో ఎంపిక చేయబడిన 1236 మంది ప్రతిభావంతులైన ఎస్సీ, ఎస్టీ బాలికలకు రూ. 49.44 లక్షలు పంపిణీ చేశారు.