సరన్: బీహార్‌లోని సరన్ జిల్లాలో(Saran district) సోమవారం టైర్ పేలి పికప్ వ్యాన్ బోల్తా(Pick-Up Van Overturns) పడిన ఘటనలో ఐదుగురు మృతి చెందగా, కనీసం 18 మంది గాయపడ్డారని పోలీసులు తెలిపారు. జిల్లాలోని నయాగావ్ ప్రాంతం సమీపంలో ఈ ప్రమాదం జరిగిందని పోలీసులు పేర్కొన్నారు. మృతులు, గాయపడిన వారి గుర్తింపును నిర్ధారించేందుకు పోలీసులు ప్రయత్నిస్తున్నారు. సోమవారం ఉదయం 6 గంటల ప్రాంతంలో నయాగావ్ ప్రాంతం(Nayagaon area) సమీపంలో ఈ సంఘటన జరిగింది.

ప్రయాణికులతో వెళ్తున్న పిక్-అప్ వ్యాన్ ముందు టైర్ ఒకటి పగిలిపోవడంతో(Pick-Up Van Tyre Burst) అదుపు తప్పిపోయింది. స్థానికుల ప్రకారం, నియంత్రణను తిరిగి పొందడానికి ప్రయత్నించినప్పటికీ, వాహనం రోడ్డు పక్కన బోల్తా పడింది. నలుగురు అక్కడికక్కడే మరణించారు. పోలీసులు వెంటనే సంఘటనా స్థలానికి చేరుకుని బాధితులను సోన్‌పూర్, హాజీపూర్, పీఎంసీహెచ్ పాట్నాలోని ఆసుపత్రులకు తరలించారని ఎస్ఎస్పీ తెలిపారు. చికిత్స పొందుతూ మరో బాధితుడు మరణించాడని, కనీసం 18 మంది గాయపడిన వారు ఆసుపత్రిలో చికిత్స పొందుతున్నారని ఎస్ఎస్పీ తెలిపారు. మరణించిన వ్యక్తుల గుర్తింపును తెలుసుకోవడానికి ప్రయత్నిస్తున్నామని ఎస్ఎస్పీ వెల్లడించారు. ఈ ప్రమాదంలో వాహనం డ్రైవర్ కూడా గాయపడ్డాడు. ఈ ఘటనపై కేసు నమోదు చేసుకుని మృతదేహాలను పోస్టుమార్టం నిమిత్తం మార్చురీకి తరలించామని పోలీసులు తెలిపారు. 

సోన్‌పూర్ సబ్-డివిజనల్ పోలీస్ ఆఫీసర్ ప్రీతేష్ కుమార్ మాట్లాడుతూ, "నయాగావ్ పోలీస్ స్టేషన్ ప్రాంత పరిధిలో వాజిబ్‌పూర్ అనే ప్రదేశం ఉంది. ఇది చాప్రా నుండి పాట్నా వైపు వెళ్ళే ప్రధాన మార్గం. ఉదయం 7 గంటలకు ఈ ప్రదేశంలో ఒక పికప్ వాహనం ప్రమాదానికి గురైంది. 4 మంది అక్కడికక్కడే మరణించారు. సమాచారం ప్రకారం, చికిత్స పొందుతూ మరొకరు మరణించారు. తదుపరి చట్టపరమైన చర్యలు తీసుకుంటున్నారు." ప్రీతేష్ కుమార్  తెలిపారు.