కాకినాడ జిల్లాలో ఘోరప్రమాదం: నలుగురు ఉపాధి కూలీలు మృతి

అమరావతి: కాకినాడ జిల్లా(Kakinada district) ఘోర రోడ్డు ప్రమాదం జరిగింది. శనివారం ఉదయం వేగంగా వస్తున్న టిప్పర్ ఢీకొనడంతో నలుగురు ఎన్‌ఆర్‌ఈజీఎస్ మహిళా కార్మికులు(NREGS Women Workers) అక్కడికక్కడే మరణించగా, మరో ఇద్దరు కార్మికులు తీవ్రంగా గాయపడ్డారు. ఇంద్రపాలెం పోలీసుల ప్రకారం, కార్మికులు బయోమెట్రిక్ ఫోటోలు దిగడానికి కోవూరు రోడ్డు వద్ద ఉన్న జాతీయ రహదారికి వచ్చారు. ఫోటోలు దిగిన తర్వాత, వారు పనికి వెళ్తుండగా, వేగంగా వచ్చిన ఒక లారీ అదుపుతప్పి వారిని వెనుక నుండి ఢీకొట్టింది. మృతులను వాసంశెట్టి సత్యవతి (60), పాలిక కృష్ణవేణి (35), చిట్టెమ్మ (45), చెల్లూరి అన్నవరం (45)గా గుర్తించారు.

గాయపడిన ఇద్దరు కార్మికులను కాకినాడ ప్రభుత్వ ఆసుపత్రికి(Kakinada Government Hospital) తరలించారు. పనిలోకి వెళ్లే ముందు తాము ఫోటోలతో కూడిన బయోమెట్రిక్ హాజరు నమోదు చేయించుకోవాల్సి ఉంటుందని ఇతర NREGS కార్మికులు తెలిపారు. నెట్‌వర్క్ సదుపాయం లేకపోవడం వల్ల, బయోమెట్రిక్ ఫోటోలు(Biometric Photos) తీయించుకోవడానికి తాము జాతీయ రహదారి వద్దకు రావాల్సి వస్తోందని వాపోయారు. శనివారం ఉదయం 5:30 గంటలకే తాము జాతీయ రహదారికి చేరుకుని, బయోమెట్రిక్ ఫోటోలు తీయించుకున్న తర్వాత పనికి వెళ్తుండగా ఈ సంఘటన జరిగిందని ఒక కార్మికుడు వివరించారు. తమ గ్రామంలో సరైన నెట్‌వర్క్ సౌకర్యం కల్పించడానికి తగిన చర్యలు తీసుకోవాలని కార్మికులు ఏపీ ప్రభుత్వానికి విజ్ఞప్తి చేశారు.