పెళ్లి ఊరేగింపును ఢీకొన్న ట్రక్కు: నలుగురు దుర్మరణం

మార్కాపురం: ఆంధ్రప్రదేశ్‌ మార్కాపురం జిల్లాలోని అమరావతి-అనంతపురం జాతీయ రహదారిపై(Amaravati-Anantapur National Highway) కంభం సమీపంలో శుక్రవారం నాడు ఘోర రోడ్డు ప్రమాదం సంభవించింది. వేగంగా దూసుకొచ్చిన ఒక ట్రక్కు వివాహ బృందాన్ని ఢీకొట్టడంతో కనీసం నలుగురు మరణించగా, మరో ఎనిమిది మంది తీవ్రంగా గాయపడ్డారు. మరణించిన వారిని అలకనంద (19), అంకలు (20), నాగేశ్, రెండేళ్ల చిన్నారిగా గుర్తించారు. మరికొందరు తీవ్రంగా గాయపడగా, వారిని చికిత్స కోసం సమీపంలోని ఆసుపత్రులకు తరలించారు. గాయపడిన వారిలో వధువు తల్లి వీరక్క కూడా ఉన్నారు. ఆమె పరిస్థితి విషమంగా ఉన్నట్లు అధికారులు తెలిపారు. ఈ ఘటనపై కేసు నమోదు చేసుకున్న పోలీసులు మృతదేహాలను స్వాధీనం చేసుకుని పోస్టుమార్టం నిమిత్తం మార్చురీకి తరలించారు.