విశాఖలో ఘోర రోడ్డుప్రమాదం.. పల్నాడు వాసులు మృతి

విశాఖపట్నం: ఆంధ్రప్రదేశ్ రాష్ట్రం విశాఖపట్నం(Visakhapatnam) సమీపంలో ఆదివారం తెల్లవారుజామున జరిగిన ఒక విషాదకరమైన రోడ్డు ప్రమాదఘటనలో నలుగురు మృతి చెందారు. ఆనందపురం-అనకాపల్లి జాతీయ రహదారిపై(Anandapuram-Anakapalli National Highway) ఉన్న గండిగుండం వద్ద వేగంగా వచ్చి అదుపు తప్పిన ఒక కారు లారీని ఢీకొట్టింది. పోలీసుల కథనం ప్రకారం, పల్నాడు జిల్లాలోని వినుకొండకు చెందిన ఒక కుటుంబం కుటుంబ కార్యక్రమానికి హాజరయ్యేందుకు శ్రీకాకుళం జిల్లాలోని టెక్కలికి వెళ్తుండగా ఈ ప్రమాదం చోటుచేసుకుంది.

కారులో ప్రయాణిస్తున్న ఐదుగురిలో డ్రైవర్‌తో సహా నలుగురు అక్కడికక్కడే ప్రాణాలు కోల్పోయారు. నరసరావుపేట ఎమ్మెల్యే(Narasaraopet MLA) పీఏ చంద్రశేఖర్ తీవ్రంగా గాయపడగా, చికిత్స కోసం ఆయనను విశాఖపట్నంలోని ఒక ప్రైవేట్ ఆసుపత్రికి తరలించారు. ఆ ప్రమాదంలో మరణించిన వారిలో చంద్రశేఖర్ కుమారుడు కూడా ఉన్నాడని సమాచారం. స్థానికుల సమాచారంతో ఘటనాస్థలికి చేరుకున్న పోలీసులు కేసు నమోదు చేసుకుని మృతదేహాలను పోస్టుమార్టం నిమిత్తం మార్చురీకి తరలించారు. అనంతరం ఈ ఘటనపై దర్యాప్తు ప్రారంభించినట్లు పోలీసులు పేర్కొన్నారు.