హబీబ్ నగర్‌లో పోలీసులపై దాడి

హైదరాబాద్: గంజాయి విక్రయిస్తున్నారన్న సమాచారంతో తనిఖీలు చేయడానికి వెళ్లిన పోలీసులపై దాడి జరిగిన సంఘటన నగరంలోని హబీబ్ నగర్ పరిధిలో చోటుచేసుకుంది. గంజాయి విక్రయం సమాచారంతో వెళ్లిన పోలీసులకు ఊహించని షాక్ తగిలింది. అర్ధరాత్రి పోలీసులపై మాంగర్ బస్తీ వాసులు దాడి చేశారు. గంజాయి అమ్ముతున్నారన్న పక్క సమాచారంతో  ఎస్ఐ శివకూమార్, స్థానిక పోలీసులతో కలిసి షాదీఖానా బస్తీకి వెళ్లారు. పోలీసులను చూసి గంజాయి వ్యాపారి కంబ్లీ దీపక్ పారిపోయేందుకు ప్రయత్నించాడు. దీంతో గంజాయి వ్యాపారి కంబ్లీ దీపక్ ను పోలీసులు వెంబడించి పట్టుకున్నారు. కంబ్లీ దీపక్ సోదరుడు అరుణ్, బస్తీ వాసులు పోలీసులపై దాడికి దిగారు. బీరు సీసాలతో దాడిలో ఎస్ఐ శివకుమార్ తలకు గాయాలయ్యాయి. ప్రస్తుతం కంబ్లీ దీపక్, అరుణ్ పరారీలో ఉన్నారు. ఈ ఘటనపై కేసు నమోదు చేసుకుని దర్యాప్తు చేస్తున్నామని పోలీసులు తెలిపారు. పరారీలో ఉన్న కంబ్లీని తప్పకుండా పట్టుకుంటామని పోలీసులు వెల్లడించారు.