రిటైర్డ్ ఉద్యోగుల మరణానికి ప్రభుత్వమే బాధ్యత వహించాలి

హనుమకొండ,(విజయక్రాంతి): రిటైర్డ్ ఉద్యోగుల మరణానికి ప్రభుత్వం బాధ్యత వహించాలని కడారి భోగేశ్వర అన్నారు. కంకల బీరయ్య అనే రిటైర్డ్  ఉపాధ్యాయుడు రిటైర్మెంట్ బెనిఫిట్స్ కొరకు ఎదురు చూస్తూ ప్రతిరోజు నాయకులకు ఫోన్ చేస్తూ తీవ్ర మానసిక వేదనకు గురి అయ్యి క్యాన్సర్ వ్యాధి తీవ్రమవడంతో  శనివారం మరణించడం జరిగిందన్నారు. రాష్ట్ర వ్యాప్తంగా ఈరోజు వరకు మార్చి 2024 నుండి అక్టోబర్ 2025 వరకు రిటైర్డ్ అయిన ఉద్యోగ, ఉపాధ్యాయులు 28 మంది వరకు చనిపోవడం జరిగిందని, రిటైర్మెంట్ బెనిఫిట్స్ రాకుండా వాటిని కళ్ళ చూడకుండానే ఇప్పటికీ అనారోగ్యంతో బాధపడుతూ ఆస్పపత్రులలో చికిత్స చేయించుకుంటూ,

చికిత్స చేయించుకోవడానికి కూడా డబ్బులు లేని వారు ఎంతోమంది రిటైర్మెంట్ బెనిఫిట్స్ కొరకు ఎదురు చూస్తున్నారన్నారు.ఆ క్రమంలో ఇప్పటివరకు 28 మంది ఉద్యోగ ఉపాధ్యాయులు చనిపోయినా ఏమాత్రం కనికరం చూపించడం లేదంటే ఈ ప్రభుత్వాన్ని ఏ విధంగా మేము అర్థం చేసుకోవాలన్నారు. కనీసం ఈ నెలలోనైనా రిటైర్మెంట్ బకాయిలు బెనిఫిట్స్ చెల్లించాలని డిమాండ్ చేశారు. బీరయ్య మృతదేహానికి నివాళులర్పించి వారి కుటుంబానికి సంతాపం ప్రకటించి, ప్రగాడ సానుభూతిని  తెలిపారు.