ఉత్తరప్రదేశ్: లక్నో విమానాశ్రయంలో(Lucknow Airport) 250 మంది హజ్ యాత్రికులతో వెళ్తున్న సౌదియా ఎయిర్‌లైన్స్ విమానం(Saudia Airlines Plane) చౌదరి చరణ్ సింగ్ అంతర్జాతీయ విమానాశ్రయానికి(Chaudhary Charan Singh International Airport) చేరుకునే సమయంలో ల్యాండింగ్ సమయంలో సాంకేతిక లోపం తలెత్తడంతో పెద్ద ప్రమాదం తప్పింది. సౌదీ అరేబియా నుండి వస్తున్న విమానం చక్రం నుండి అకస్మాత్తుగా నిప్పురవ్వలు, పొగలు వెలువడడంతో లక్నో విమానాశ్రయంలో భయాందోళనలు నెలకొన్నాయి. 

SV 3112 విమానం, మునుపటి రాత్రి 10:45 గంటలకు జెడ్డా నుండి 250 మంది హజ్ యాత్రికులతో(Hajj Pilgrims) బయలుదేరి ఉదయం 6:30 గంటలకు లక్నోలో దిగింది. అదృష్టవశాత్తూ, విమానంలో ఉన్న 250 మంది ప్రయాణికులు, సిబ్బంది సురక్షితంగా ఉన్నట్లు సమాచారం. విమానం రన్‌వేపై ప్రయాణిస్తుండగా, ఎడమ చక్రం నుండి పొగ, నిప్పురవ్వలు వస్తున్నట్లు గమనించారు. పైలట్ వేగంగా చర్య తీసుకుని విమానాన్ని ఆపాడు. విమానాశ్రయ అగ్నిమాపక, రెస్క్యూ బృందం వెంటనే స్పందించి, 20 నిమిషాల్లో పరిస్థితిని అదుపులోకి తెచ్చింది. ప్రయాణికులందరూ సురక్షితంగా ఉన్నారు. ఎవరికీ గాయాలు కాలేదు కానీ ఈ సంఘటన సమయంలో, విమానంలో ఉన్న ప్రయాణికులలో భయాందోళన వాతావరణం కనిపించింది.

"జూన్ 15 ఉదయం జెడ్డా నుండి లక్నో విమానాశ్రయంలో ల్యాండ్ అయిన సౌదియా విమానం చక్రాల నుండి పొగలు రావడం కనిపించింది. ఎయిర్‌క్రాఫ్ట్ రెస్క్యూ అండ్ ఫైర్ ఫైటింగ్(Aircraft Rescue and Fire Fighting) బృందం సంఘటనా స్థలానికి చేరుకుంది. సౌదియా బృందంతో కలిసి పనిచేసి పొగలను అదుపు చేయడంతో పాటు విమానానికి నష్టం వాటిల్లకుండా నిరోధించారు. ప్రయాణీకులను సురక్షితంగా దింపారు. విమానాశ్రయ కార్యకలాపాలపై ఎటువంటి ప్రభావం చూపలేదు" అని విమానాశ్రయ అధికారులు తెలిపారు. లండన్‌కు వెళ్తున్న ఎయిర్ ఇండియా విమానం(Air India flight) టేకాఫ్ అయిన కొద్దిసేపటికే కూలిపోయి 241 మంది ప్రాణాలు కోల్పోయిన ఘటన జరిగిన కొన్ని రోజులకే ఈ సంఘటన జరిగింది. ఈ వరుస విమాన ప్రమాదాలు విమాన భద్రత,విమాన నిర్వహణ ప్రోటోకాల్‌ల ప్రభావం గురించి తీవ్రమైన ఆందోళనలను రేకెత్తించాయి.