డీఎన్ఏ పరీక్షల ద్వారా ఇప్పటివరకు 87 మృతదేహలు గుర్తింపు

అహ్మదాబాద్: అహ్మదాబాద్‌లో ఎయిర్ ఇండియా విమాన ప్రమాదం(Ahmedabad Air India plane crash) జరిగి 270 మంది ప్రాణాలు కోల్పోయిన నాలుగు రోజుల తర్వాత, ఇప్పటివరకు 87 మంది బాధితులను డీఎన్ఏ మ్యాచింగ్ ద్వారా గుర్తించామని, 47 మృతదేహాలను వారి కుటుంబాలకు అప్పగించామని అధికారులు సోమవారం తెలిపారు. జూన్ 12న జరిగిన విమాన ప్రమాదంలో చాలా మంది మృతదేహాలు గుర్తుపట్టలేనంతగా కాలిపోవడంతో బాధితుల గుర్తింపును నిర్ధారించడానికి అధికారులు డీఎన్ఏ పరీక్షలు నిర్వహిస్తున్నారు.

"ఇప్పటివరకు, 87 డీఎన్ఏ నమూనాలను సరిపోల్చారు. 47 మృతదేహాలను ఇప్పటికే సంబంధిత కుటుంబాలకు అప్పగించారు. ఈ మృతులు గుజరాత్‌లోని భారుచ్, ఆనంద్, జునాగఢ్, భావ్‌నగర్, వడోదర, ఖేడా, మెహ్సానా, అర్వల్లి, అహ్మదాబాద్ జిల్లాల వంటి వివిధ ప్రాంతాలకు చెందినవారు" అని అదనపు సివిల్ సూపరింటెండెంట్ డాక్టర్ రజనీష్ పటేల్(Civil Superintendent Dr. Rajneesh Patel) విలేకరులకు తెలిపారు. జూన్ 12న మధ్యాహ్నం 1.39 గంటలకు 242 మందితో ప్రయాణిస్తున్న బోయింగ్ 787-8 డ్రీమ్‌లైనర్ విమానం అహ్మదాబాద్‌లోని సర్దార్ వల్లభాయ్ పటేల్ అంతర్జాతీయ విమానాశ్రయం నుంచి టేకాఫ్ అయిన కొద్ది క్షణాల్లోనే ఒక మెడికల్ కాలేజీ కాంప్లెక్స్‌పై కూలిపోయింది. లండన్ వెళ్తున్న విమానంలో 241 మంది మరణించగా, ఒక ప్రయాణీకుడు అద్భుతంగా ప్రాణాలతో బయటపడ్డాడు. అంతేకాకుండా, ఐదుగురు ఎంబీబీఎస్ విద్యార్థులు సహా 29 మంది నేలపై జరిగిన విపత్తులో మరణించిన విషయం తెలిసిందే.