నాలుగో ర్యాంకులో మంధాన

దుబాయ్: ఐసీసీ మహిళల వన్డే ర్యాంకింగ్స్‌లో టీమిండియా కెప్టెన్ హర్మన్‌ప్రీత్ మెరిసింది. బ్యాటింగ్ విభాగంలో హర్మన్ మూడు స్థానాలు ఎగబాకి తొమ్మిదో ర్యాంకు లో నిలిచింది. ఇటీవలే న్యూజిలాండ్‌తో వన్డే సిరీస్‌లో ఆఖరి వన్డేలో కీలక ఇన్నింగ్స్ ఆడిన హర్మన్ తాజా ర్యాంకింగ్స్‌లో టాప్ అడుగుపెట్టింది. మరో భారత స్టార్ బ్యాటర్ స్మృతి మంధాన తన నాలుగో ర్యాంకును కాపాడుకుంది. ఇంగ్లండ్ బ్యాటర్ బర్ట్న్ తొలి స్థానంలో నిలిచింది. భారత వికెట్ కీపర్ యస్తికా మూడు స్థానాలు మెరుగుపర్చుకుని 45వ ర్యాంకుకు చేరుకుంది.

బౌలర్ల విభాగంలో భారత్‌కు చెందిన దీప్తి శర్మ 703 రేటింగ్ పాయింట్లతో రెండో స్థానంలో కొనసాగుతోంది. పేసర్ రేణుకా సింగ్ నాలుగు స్థానాలు ఎగబాకి 32వ స్థానంలో, లెగ్ స్పిన్నర్ ప్రియా మిశ్రా 77 స్థానాలు ఎగబాకి 83వ స్థానంలో, సైమా 20 స్థానాలు మెరుగుపర్చుకొని 77వ స్థానంలో నిలిచారు.