నేడు, రేపు వడగాలులు.. వర్షాలు

హైదరాబాద్, జూన్ 21 (విజయక్రాంతి): రాష్ట్రంలో వాతావరణ పరిస్థితి వింతగా మారుతుంది. పలు జిల్లాల్లో భానుడి భగభగలుంటే మరికొన్ని జిల్లాల్లో వరుణుడు వర్షాన్ని కురిపిస్తున్నాడు. సోమవారం ఉమ్మడి ఆదిలాబాద్, కరీంనగర్, ఖమ్మం, వరంగల్ జిల్లాల్లో కొన్ని చోట్ల వడగాలులు వీస్తాయని వాతావరణ శాఖ తెలిపింది. అదేవిధంగా 50 కి.మీ. వేగంతో ఉరుములు, మెరుపులతో కూడిన వర్షాలు ఉమ్మడి ఆదిలాబాద్, నిజామాబాద్, కరీంనగర్, వరంగల్, ఖమ్మం, నల్లగొండ, వరంగల్, రంగారెడ్డి, హైదరాబాద్, మెదక్, మహబూబ్‌నగర్ జిల్లాల్లో కురుస్తాయని పేర్కొంది. మంగళవారం కూడా రాష్ట్రంలో ఇదే పరిస్థితి ఉంటుందని వాతావరణ శాఖ తెలిపింది.