చార్‌ధామ్ యాత్రకు హెలికాప్టర్ సేవలు నిలిపివేత

డెహ్రాడూన్: కేదార్‌నాథ్ నుండి తిరిగి వస్తున్న హెలికాప్టర్ కూలిపోయిన(Helicopter Crash) నేపథ్యంలో చార్‌ధామ్ యాత్ర(Char Dham Yatra) మార్గంలో హెలికాప్టర్ సేవలను ఆదివారం రెండు రోజుల పాటు నిలిపివేశారు. ఆదివారం ఉదయం జరిగిన ఈ హెలికాప్టర్ ప్రమాదంలో పైలట్ సహా ఏడుగురు మృతి చెందారు. పరిస్థితిపై చర్చించడానికి సీనియర్ అధికారులతో అత్యవసర సమావేశం నిర్వహించిన ముఖ్యమంత్రి పుష్కర్ సింగ్ ధామి(Pushkar Singh Dhami), వాతావరణం చెడుగా ఉన్నందున, ప్రయాణీకుల భద్రత ప్రభుత్వ ప్రధాన ప్రాధాన్యత అయినందున రెండు రోజుల పాటు హెలి సేవలు(Helicopter services) నిలిపివేయబడతాయని అన్నారు. రాష్ట్రంలో హెలి కార్యకలాపాలకు కఠినమైన ఎస్ఓపీ జారీ చేయాలని, ప్రమాదానికి కారణమైన వారిపై చర్యలు తీసుకోవడంతో పాటు నియంత్రణ, కమాండ్ సెంటర్‌ను ఏర్పాటు చేయాలని ఆయన సమావేశంలో అధికారులకు చెప్పారు.

"రాష్ట్రంలో హెలికాప్టర్ కార్యకలాపాలలో డీజీసీఏ(Directorate General of Civil Aviation) నిబంధనలను పాటించడంలో ఎటువంటి అలసత్వం ఉండకూడదు. ఎగువ హిమాలయ ప్రాంతంలో ఎగురుతున్న పైలట్లు అనుభవజ్ఞులు అని నిర్ధారించుకోవాలి" అని అత్యవసర సమావేశం తర్వాత ముఖ్యమంత్రి పుష్కర్ సింగ్ ధామి అన్నారు. వీడియో కాన్ఫరెన్సింగ్ ద్వారా జరిగిన సమావేశంలో ప్రధాన కార్యదర్శి ఆనంద్ బర్ధన్, పర్యాటక, పౌర విమానయాన కార్యదర్శి సచిన్ కుర్వే, విపత్తు కార్యదర్శి వినోద్ కుమార్ సుమన్, యూసీఏడీఏUCADA (Uttarakhand Civil Aviation Development Authority), డీజీసీఏ అధికారులు పాల్గొన్నారు. ప్రతికూల వాతావరణం వల్లే ఈ ప్రమాదం జరిగిందని సీఎం అన్నారు. ఆదివారం, సోమవారం రెండు రోజుల పాటు హెలికాప్టర్ కార్యకలాపాలు నిలిపివేయబడతాయని చెప్పారు.

"వాతావరణం కూడా చెడుగా ఉంది. యాత్రికుల భద్రత చాలా ముఖ్యమైనది. నేడు-రేపు హెలి సేవలు ఉండవు. హెలి కార్యకలాపాలను తిరిగి ప్రారంభించే ముందు పరిస్థితిని క్షుణ్ణంగా సమీక్షించాలని విమానయాన సంస్థలు, డీజీసీఏ, యూసీఏడీఏలను కోరినట్లు" ఆయన చెప్పారు. ఉత్తరాఖండ్‌లోని చార్‌ధామ్ యాత్ర మార్గంలో హెలికాప్టర్ క్రాష్‌లు, అత్యవసర ల్యాండింగ్‌లు భయంకరమైన ఫ్రీక్వెన్సీలో జరుగుతున్నాయి. చార్ధామ్ యాత్రలో కేదార్‌నాథ్, బద్రీనాథ్, యమునోత్రి,  గంగోత్రి పుణ్యక్షేత్రాలు ఉంటాయి. ఆదివారం ఉదయం గుప్త్కాషి సమీపంలోని కేదార్‌నాథ్ నుండి తిరిగి వస్తున్న ఆర్యన్ ఏవియేషన్ ప్రైవేట్ లిమిటెడ్ హెలికాప్టర్ ప్రమాదంలో చిక్కుకున్న తాజా ప్రమాదం ఏప్రిల్ 30న యాత్ర ప్రారంభమైనప్పటి నుండి తీర్థయాత్ర మార్గంలో జరిగిన ఐదవ హెలికాప్టర్ ప్రమాదమని ఆయన పేర్కొన్నారు.