టెహ్రాన్: ఇజ్రాయెల్-ఇరాన్ మధ్య ఉద్రిక్త పరిస్థితులు కొనసాగుతున్నాయి. ఇజ్రాయెల్ డిఫెన్స్ ఫోర్స్ దాడులను ప్రతిఘటిస్తున్న ఇరాన్ క్షిపణులు, డ్రోన్లతో విరుచుకుపడుతుంది. ఇజ్రాయెల్ పై గైడెడ్ బాలిస్టిక్ మిసైల్ ను ఇరాన్ ప్రయోగించింది. ఇరాన్ క్షిపణులు ఇజ్రాయెల్ ఆకాశంలోకి ప్రవేశించడంతో టెహ్రాన్ అంతటా కొత్త పేలుళ్లు సంభవించాయి. ఈ దాడిలో గెలీలీ ప్రాంతంలోని ఒక అపార్ట్‌మెంట్ భవనంలో నలుగురు మరణించారని ఇజ్రాయెల్ అత్యవసర అధికారులు పేర్కొన్నారు. రెండు దేశాల మధ్య కొనసాగుతున్న ఉద్రిక్త పరిస్థితుల కారణంగా టెహ్రాన్ అణు కార్యక్రమంపై ఇరాన్, యునైటెడ్ స్టేట్స్ మధ్య జరగాల్సిన చర్చలు రద్దు చేయబడింది. ఇది పోరాటానికి ఎప్పుడు, ఎలా ముగింపు వస్తుందనే ప్రశ్నను లేవనెత్తింది.

ఇజ్రాయెల్ భద్రతా మంత్రివర్గం సమావేశమైన సమయంలో అర్ధరాత్రి పేలుళ్ల శబ్దాలు వినిపించడంతో ఇజ్రాయెల్ సైన్యం, ఇరాన్ రాష్ట్ర టెలివిజన్ రెండూ ఇరానియన్ క్షిపణుల తాజా రౌండ్‌ను ప్రకటించాయి. ప్రపంచ నాయకులు ఉద్రిక్తతలను తగ్గించి పూర్తి స్థాయి యుద్ధాన్ని నివారించాలని అత్యవసరంగా పిలుపునిచ్చాయి. అణు కేంద్రాలపై దాడి ప్రమాదకరమైన ఉదాహరణ అని చైనా విదేశాంగ మంత్రి అన్నారు. 20 నెలల పోరాటం తర్వాత గాజాలో ఇరాన్ మద్దతుగల ఉగ్రవాద సంస్థ హమాస్‌ను నిర్మూలించడానికి ఇజ్రాయెల్ కొత్త ప్రయత్నాలు చేస్తుండటంతో ఈ ప్రాంతం ఇప్పటికే అంచున ఉంది. ఇజ్రాయెల్-ఇరాన్ మధ్య ఉద్రిక్త పరిస్థితులు కొనసాగుతున్నాయి. ఇరాన్‌ అణ్వాయుధ ప్రాజెక్టు ప్రాంతాలు, రక్షణ మంత్రిత్వ శాఖ ప్రధాన కార్యాలయాన్ని లక్ష్యంగా చేసుకుని ప్రత్యక్ష దాడులు చేసింది.  ఇరాన్ లోని సైనిక, అణ్వాయుధ స్థావరాలపై ఇజ్రాయెల్ దాడులు చేసి ఇరాన్ అణ్వాయుధ ప్రాజెక్టులో భాగమైన 9 మంది శాస్త్రవేత్తలు, ప్రముఖ అధికారులను రెండు రోజుల్లోనే హతమార్చారు. ఇజ్రాయెల్ దాడుల్లో 78 మంది, 320 మందికి గాయాలయ్యాయి.