కోతుల బెడద తగ్గేదెలా?

రాష్ట్రవ్యాప్తంగా అనేక గ్రామాలలో కోతుల బెడద తీవ్రరూపం దాల్చింది. అవి విపరీతంగా తమ సంతతిని పెంచుకొని నానా రభస చేస్తున్నాయి. ఏటా ఈ వానరాల ధాటికి తట్టుకోలేక ప్రజలు వలసపోతున్న సందర్భాలూ వున్నాయంటే పరిస్థితి తీవ్రతను అర్థం చేసుకోవచ్చు. ఉదయం లేచింది మొదలు రాత్రి పడుకునే దాక కోతుల వీర విహారం సహజమై పోయింది. కొన్ని చోట్లయితే, గుంపులు గుంపులుగా రోడ్ల వెంబడి తిరుగుతూ, దారిన వెళ్ళేవారిని కూడా వదలడం లేదు. పంటపొలాలను పాడు చేస్తూ పళ్లు, కూరగాయలను సుష్టుగా తింటున్నాయి. పొరపాటున ఎవరైనా వాటిని తరుముదామని ప్రయత్నిస్తే వారిమీద పడి కరుస్తాయి. కోతుల దాడిలో కొందరు మృత్యువాత పడిన సందర్భాలూ వున్నాయి. పెంకుటిళ్ల మీది గూనలను పీకి పెడతాయి. 

 కామిడి సతీష్ రెడ్డి, జయశంకర్ భూపాలపల్లి జిల్లా