గురువారం ప్రపంచ పర్యావరణ దినోత్సవం. ఈ సందర్భంగా చెట్టును కౌగిలించుకున్న ఫొటోను షేర్ చేస్తూ ఎమోషనల్ పోస్ట్ చేసింది హీరోయిన్ నభా నటేశ్. ఆమె ఇన్‌స్టాగ్రామ్ ద్వారా చేసిన ఈ పోస్ట్ నెటిజన్స్ దృష్టిని ఆకర్షిస్తోంది. ఈ పోస్ట్‌తో ప్రకృతి గురించి నభా బ్యూటిఫుల్ మెసేజ్ ఇచ్చిందంటూ అందరూ కామెంట్స్ రాస్తున్నారు.

తన సోషల్‌మీడియా పోస్ట్‌లో నభా స్పందిస్తూ.. ‘ఈ రోజు ఒక చెట్టును కౌగిలించుకున్నాను.. ఆ చెట్టు కూడా నన్ను తిరిగి కౌగిలించుకుందనే భావన కలిగింది. ఎంతో అందమైన ఈ ప్రపంచాన్ని చూసేందుకు వచ్చిన అతిథులం మనం. ఇక్కడ ప్రకృతి మనకెన్నో గొప్ప అనుభవాలు ఇస్తోంది. ఈ ప్రకృతిని, పర్యావరణాన్ని అనుభూతి చెందడం మాత్రమే మనకున్న హక్కు.

ఈ సంతోషాలు ఇచ్చిన ప్రకృతికి రుణపడి ఉంటాను” అని పేర్కొంది. నభా ప్రస్తుతం పలు ఆసక్తికరమైన సినిమాల్లో నటిస్తోంది. నిఖిల్ హీరోగా నటిస్తున్న ‘స్వయంభు’తోపాటు మరో ప్రతిష్టాత్మక చిత్రం ‘నాగబంధం’లోనూ హీరోయిన్‌గా నటిస్తోంది. భారీ పాన్ ఇండియా చిత్రాలుగా రూపొందుతున్న ఈ రెండు సినిమాలు త్వరలో ప్రేక్షకుల ముందుకు రానున్నాయి. ఇవేకాకుండా మరికొన్ని క్రేజీ చిత్రాలు నభా లైనప్‌లో ఉన్నాయి.