నేను బొల్లంపల్లి సంతోష్ గౌడ్ పై దాడి చేయించలేదు

ఈ దాడితో నాకు సంబంధం లేదు..

ముత్తారం మాజీ జెడ్పీటీసీ చొప్పరి సదానందం..

ముత్తారం (విజయక్రాంతి): నేను బొల్లంపల్లి సంతోష్ గౌడ్ పై దాడి చేయించలేదని, అసలు ఈ దాడితో నాకు సంబంధం లేదని ముత్తారం మాజీ జెడ్పీటీసీ చొప్పరి సదానందం(farmer ZPTC Choppari Sadanandam) ఆదివారం ఒక ప్రకటనలో తెలిపారు. శనివారం రాత్రి మంథని చౌరస్తా ముత్తారం మండలంలోని ఖమ్మంపల్లి గ్రామానికి చెందిన బొల్లంపల్లి సంతోష్ గౌడ్ అనే యువకునిపై ఎవరో గుర్తుతెలియని వ్యక్తులు దాడి చేసి గాయపరిస్తే, ఆ దాడి నేనే చేయించానని సోషల్ మీడియాలో ఆరోపణలు చేస్తున్నారని, ఈ దాడిలో తనకు ఎలాంటి సంబంధం లేదని, అవసరమైతే నిజాన్ని నిరూపించుకోవడానికి నా ఇష్ట దైవం పెద్దమ్మ తల్లి గుళ్లో ప్రమాణం చేస్తానని, దేనికైనా సిద్ధంగా ఉన్నానని, త్వరలోనే నిజ నిజాలు బయటికి వస్తాయని, పోలీసులు అదే పనిలో విచారణ చేస్తున్నారని సదానందం తెలిపారు.