* మ‌ళ్ళీ కేసీఆర్ సీఎం అయితేనే తెలంగాణ అభివృద్ధి

* జిల్లా పార్టీ అధ్య‌క్షురాలు ప‌ద్మాదేవేంద‌ర్‌రెడ్డి

మెద‌క్‌ (విజ‌య‌క్రాంతి): మెదక్ జిల్లా బీఆర్ఎస్‌ పార్టీ అధ్యక్షురాలు, మాజీ డిప్యూటీ స్పీకర్ ఎం.పద్మ దేవేందర్ రెడ్డి ఆధ్వర్యంలో దీక్షా దివ‌స్ కార్యక్రమం శనివారం మెదక్ జిల్లా పార్టీ కార్యాలయంలో ఘనంగా జరిగాయి. ఈ సందర్భంగా జిల్లా పార్టీ అధ్యక్షురాలు పద్మదేవేందర్ రెడ్డి, నర్సాపూర్ ఎమ్మెల్యే సునీత లక్ష్మారెడ్డి, మాజీ ఎమ్మెల్సీ శేరి సుభాష్ రెడ్డి, మాజీ ఎమ్మెల్యే శశిధర్ రెడ్డి, మున్సిపల్ మాజీ చైర్మన్ మల్లికార్జున గౌడ్, పట్టణ పార్టీ కన్వీనర్ మామిళ్ళ ఆంజనేయులు, మాజీ గ్రంథాలయ చైర్మన్ చంద్ర గౌడ్, జిల్లా నాయకులతో కలసి జిల్లా పార్టీ కార్యాలయ ప్రాంగణంలో ఏర్పాటు చేసిన అమరుల స్థూపానికి నివాళులు అర్పించారు. తెలంగాణ తల్లి చిత్రపటానికి పూలమాలలు వేశారు. అనంతరం కేసిఆర్ చిత్రపటానికి పాలాభిషేకం చేశారు.

అనంతరం ఉద్యమం నాటి ఫోటో ఎగ్జిబిషన్లు ప్రారంభించి తిలకించారు. ఈ సంద‌ర్భంగా ప‌ద్మాదేవేంద‌ర్‌రెడ్డి మాట్లాడుతూ తెలంగాణ ప్ర‌జ‌లంద‌రు గుర్తు పెట్టుకునే రోజు దీక్షా దివ‌స్ అన్నారు. ప్ర‌త్యేక రాష్ట్రం కోసం కేసీఆర్ దీక్ష బూని స‌బ్బండ వ‌ర్గాల అండ‌దండ‌ల‌తో ఉవ్వెత్తున ఉద్య‌మం ఎగిసి ప‌డి ప్ర‌త్యేక రాష్ట్రం సాధించుకున్నామ‌ని తెలిపారు. ప‌దేళ్ళ పాటు కేసీఆర్ ముఖ్య‌మంత్రిగా ఉండి బంగారు తెలంగాణ వైపు అడుగులు వేశార‌ని గుర్తు చేశారు. తెలంగాణ కోసం కేసీఆర్ పోరాడితేనే నేడు రేవంత్‌రెడ్డి ముఖ్య‌మంత్రి సీట్లో కూర్చున్నాడ‌ని, కానీ బంగారు తెలంగాణ‌ను మ‌ళ్ళీ దిగ‌జార్చే ప్రయ‌త్నం జ‌రుగుతుంద‌న్నారు. ఇలాంటి ప‌రిస్థితి పోవాలంటే మ‌ళ్ళీ కేసీఆర్ ముఖ్య‌మంత్రి కావాల‌ని చెప్పారు. ఈ కార్య‌క్ర‌మంలో కార్య‌క‌ర్త‌లు, నాయ‌కులు పాల్గొన్నారు.