కోదాడ: రానున్న గ్రామపంచాయితీ ఎన్నికల్లో గుడిబండ గ్రామపంచాయితీ సర్పంచ్ పదవికి పోటీ చేయడానికి సామాజిక సేవకుడు పెరుమాళ్ళ ప్రభాకర్ సిద్ధమవడం గ్రామంలో రాజకీయ చర్చకు దారి తీస్తోంది. మాస్టర్ ఆఫ్ సోషల్ వర్క్, బిఎల్ఐఎస్సి విద్యార్హతలు కలిగిన ప్రభాకర్ 2012 సంవత్సరం నుండి వివిధ జాతీయ స్థాయి సామాజిక సేవా సంస్థల్లో పలు హోదాల్లో పనిచేస్తూ అనేక మంది విద్యార్థులు, మహిళలకు విద్య, వైద్యం, ఉపాధి అవకాశాలు కల్పించారు. గ్రామాభివృద్ధే లక్ష్యంగా, యువతకు ఉపాధి అవకాశాలు, మహిళా సంక్షేమం, మౌలిక సదుపాయాల అభివృద్ధిని ప్రధాన అజెండాగా తీసుకుని సర్పంచ్ ఎన్నికల రేసులోకి వెళ్లేందుకు సిద్ధంగా ఉన్నట్లు ఆయన తెలిపారు. త్వరలో నామినేషన్ దాఖలు చేయనున్నట్లు సమాచారం. ఈ నేపథ్యంలో గుడిబండ గ్రామ రాజకీయాల్లో కొత్త ఆసక్తి నెలకొంది.