ఘనంగా అంతర్జాతీయ అంధుల దినోత్సం

సుల్తానాబాద్, జనవరి 4 (విజయక్రాంతి): సుల్తానాబాద్ పట్టణంలోని వికాసం వికలాంగుల పునరావాస కేంద్రంలో ఘనంగా అంతర్జాతీయ అంధుల దినోత్స వాన్ని ఆదివారం నిర్వహించారు. ఈ కార్యక్రమానికి ముఖ్యఅతిథిగా సాఫ్ట్వేర్ ఇంజనీర్ దివ్యాంగుడు ప్రవీ ణ్ కుమార్ హాజరై కేక్ కట్ చేసి, వికలాంగులకు పండ్లు పంపిణీ చేసి వేడుకలను ప్రారంభించారు. సుల్తానాబాద్ మండలం  సుద్దాల గ్రామానికి చెందిన విశ్రాంత ఉపాధ్యాయుడు అల్లాడి వెంగళరావు వారి తల్లి సత్తెమ్మ, అత్తమ్మ సత్తెమ్మ జ్ఞాపకార్థం పునరావాస కేంద్రానికి రెండు టేబుల్లు బియ్యం  వితరణ చేసి, ఒకరోజు భోజనం కార్యక్రమం ఏర్పాటు చేశారు. స్వయంగా మానసిక వికలాంగులకు భోజనాన్ని వడ్డించారు.

మానసిక వికలాంగుల పాఠశాలలో ట్రాన్స్పోర్టేషన్ ప్రాబ్లం ఉందని సెంటర్ నిర్వాహకులు శ్రీనివాస్ తెలుపగా విశ్రాంత ఉపాధ్యాయులు ప్రతినెల 500 రూపాయలు అందించనున్నట్లు ప్రకటించి, మొదటి నెల 500 రూపాయలను నిర్వాహకులకు అందజేశారు. సెంటర్ నిర్వాహకుడు శ్రీనివాస్ ప్రతినెలా 500 రూపాయలు ట్రాన్స్పోర్టేషన్కు అందజేశారు. కార్యక్రమంలో సుల్తానాబాద్ ఎంఈఓ ఆరేపల్లి రాజయ్య, సెంటర్ నిర్వాహకులు శ్రీనివాస్, ఎన్‌హెచ్‌ఎస్ పాఠశాల కరస్పాండెంట్ అన్నమనేని స్వప్న, సంతోష్ రావు, యువ సంకల్ప ఫౌండేషన్ సభ్యులు రమేష్, సెంటర్ సిబ్బంది సరస్వతి, కల్పన ఉన్నారు.