ఆదర్శ కుటుంబంలోకి..

విక్టరీ వెంకటేశ్ హీరోగా త్రివిక్రమ్ శ్రీనివాస్ దర్శకత్వంలో తొలిసారి ‘ఆదర్శ కుటుంబం’ అనే సినిమా వస్తున్న సంగతి తెలిసిందే. వెంకీ మామ ‘నువ్వు నాకు నచ్చావ్’, ‘మల్లేశ్వరి’, ‘వాసు’ లాం టి సినిమాలకు త్రివిక్రమ్ మాటలు రాశారు. అప్పట్నుంచే ఈ మాటల మాంత్రికుడి దర్శకత్వంలో వెంకటేశ్ నటించాలన్న కోరికను అభిమానులు వ్యక్తం చేస్తూ వచ్చారు. ఫ్యాన్స్ కోరిక దశాబ్దాల తర్వాత ‘ఆదర్శ కుటుంబం’ రూపంలో తీరబోతోంది.

ఇప్పటికే కీలక భాగం షూటింగ్ పూర్తి చేసుకుందీ ఫ్యామిలీ, యాక్షన్ ఎంటర్‌టైనర్. ఇందులో శ్రీనిధి శెట్టి మెయిన్ హీరోయిన్‌గా నటిస్తోంది. అయితే, ఈ ప్రాజెక్టులోకి మరో అందం  చేరింది. ఇందులోని ఒక ప్రాధాన్యం ఉన్న పాత్ర కోసం నివేత పేతురాజ్‌ను ఎంపిక చేసుకుందట టీమ్. నివేత ఇంతకుముందు ‘అల వైకుంఠపురములో’నూ నటించింది.

ఆ చిత్రంలో అల్లు అర్జున్ మరదలిగా అలరించిన ఈ భామ్య ఇటీవల తెరపై ఎక్కువగా కనిపించిందే లేదు. దీంతో తాజా అవకాశం నివేతకు మంచి బ్రేక్ ఇచ్చేలా ఉంది. ఈ సినిమాలో నివేత ఓ ఇన్వెస్టిగేషన్ ఆఫీసర్ పాత్రలో కనిపిస్తుంద ని సమాచారం. ఈ మూవీ అక్టోబర్‌లో విడుదలయ్యే ఛాన్స్ ఉంది.