తెలంగాణ టూరిజంలో పెట్టుబడులు పెట్టండి

ప్రవాసులకు  మంత్రి జూపల్లి పిలుపు

హైదరాబాద్, నవంబర్ 7(విజయక్రాంతి): తెలంగాణ పర్యాటక అభివృద్ధికి చేయూతనిచ్చేందుకు పెట్టుబడులు పెట్టాలని ప్రవాసులకు టూరిజంశాఖ మంత్రి జూపల్లి కృష్ణారావు పిలుపునిచ్చారు. లండన్‌లో జరుగుతున్న వరల్డ్ ట్రావెల్ మార్కె ట్ ఈవెంట్ గురువారం ముగిసింది. ఈ వేడుకల్లో కేంద్ర పర్యాటక శాఖ మంత్రి గజేంద్ర సింగ్ షెకావత్‌తో కలిసి మంత్రి జూపల్లి పాల్గొన్నారు. ఈ సందర్భంగా తెలంగాణ స్టాల్‌ని సందర్శించిన కేంద్రమంత్రిని జూపల్లి సన్మానించి చార్మినార్ జ్ఞాపికను అం దజేశారు.

అనంతరం జూపల్లి మాట్లాడుతూ తెలంగాణ వారసత్వ సంపదను ప్రపంచ దేశాల పర్యాటకులకు తెలిసే విధంగా ఈ వరల్డ్ ట్రావెల్ మార్కెట్‌లో ప్రచారం చేశామన్నారు. దీంతో తెలంగాణకు విదేశీ పర్యాటకులు భారీగా వచ్చే అవకాశం ఉందని  వెల్లడించారు.