చిట్యాల, నవంబర్ 30(విజయ క్రాంతి): రామన్నపేట మండలంలోని కక్కిరేణి గ్రామానికి చెందిన సోమనబోయిన రవి ఆధ్వర్యంలో పలువురు  నకిరేకల్ మాజీ ఎమ్మెల్యే చిరుమర్తి లింగయ్య సమక్షంలో బిఆర్‌ఎస్ పార్టీలో చేరారు. ఈ సందర్భంగా బిఆర్‌ఎస్ పార్టీ గ్రామ శాఖ ఆధ్వర్యంలో గ్రామ పంచాయతీ బిఆర్‌ఎస్ పార్టీ సర్పంచ్ అభ్యర్థిగా సోమనబోయిన రవి ని వారు ఎంపిక చేయగా మాజీ ఎమ్మెల్యే చిరుమర్తి లింగయ్య  ఆయన అభ్యర్థిత్వాన్ని అధికారికంగా ప్రకటిస్తూ అభినందనలు తెలియజేశారు.

గ్రామ పంచాయతీ ఎన్నికల్లో పార్టీ నాయకులు సమిష్టిగా పనిచేసి సర్పంచ్ తో పాటు వార్డు సభ్యులను అత్యధిక మెజారిటీతో గెలిపించాలని  ఆయన సూచించారు. వారితోపాటు గ్రామానికి చెందిన మాజీ ఎంపిటిసి బల్లెం నర్సింహ, సీనియర్ నాయకులు ముద్రబోయిన శ్రీశైలం, కన్నెబోయిన శ్రీను, కన్నెబోయిన శేఖర్, పోగుల వెంకటయ్య మరియు పలువురు బిఆర్‌ఎస్ పార్టీలో చేరారు.

మఠంపలి..

మఠంపల్లి, నవంబర్ 30 : స్థానిక సంస్థల ఎన్నికలు ప్రచారం కొనసాగుతున్న సమయంలో కాంగ్రెస్ పార్టీకి చెందిన మాజీ ఎంపీటీసీ తో సహా పలువురు నాయకులు, కార్యకర్తలు గులాబీ గూటికి చేరారు. మండలంలోని హనుమంతుల గూడెం, కామంచికుంట తండా గ్రామాలకు చెందిన మాజీ ఎంపిటిసి బొమ్మకంటి నరసింహారావు, బాదావత్ రాంబాబు తో పాటు ఆయా గ్రామాలకు చెందిన పలువురు కాంగ్రెస్ నేతలు ఆదివారం జిల్లా కేంద్రంలో బిఆర్‌ఎస్ పార్టీలో చేరారు.

ఈ సందర్భంగా మాజీ మంత్రి, సూర్యాపేట శాసనసభ్యులు గుంటకండ్ల జగదీష్ రెడ్డి గులాబీ కండువాలు కప్పి వారిని పార్టీలోకి ఆహ్వానించారు. ఈ కార్యక్రమంలో మండల పార్టీ అధ్యక్షుడు ఇరుగు పిచ్చయ్య, మాజీ సర్పంచ్ మన్నెం శ్రీనివాస్ రెడ్డి, మాజీ మండల అధ్యక్షుడు కోలాహలం కృష్ణంరాజులతో పాటు గ్రామాల నాయకులు కార్యకర్తలు పాల్గొన్నారు.