1. విద్యాశాఖకు చేరిన సీఎం సంతకం చేసిన ఫైల్
2. నేడో రేపో ఉత్తర్వులు.. 

హైదరాబాద్, నవంబర్ 30 (విజయక్రాంతి): 2013 బ్యాచ్‌కు చెందిన ఉపాధ్యా యుళ్ల మాదిరిగానే 2014 బ్యాచ్‌కు చెందిన మోడల్ స్కూల్ ఉపాధ్యాయులకు మూలవేతనాన్ని ప్రభుత్వం అమలు చేయనుంది. కొన్నేండ్లుగా పెండింగ్‌లో ఉన్న ఈ సమస్యను పరిష్కరించాలని మోడల్ స్కూల్స్ ఉపాధ్యాయ సంఘాలు డిమాండ్ చేస్తున్న నేపథ్యంలో ఈ మేరకు ప్రభుత్వం నిర్ణయం తీసుకుంది. 2013 బ్యాచ్‌కు చెందిన ఉపాధ్యాయుల తరహాలోనే 2025 ఏప్రిల్ 1 నుంచి మూల వేతనాన్ని వారికి అమలు చేయనున్నారు.

రాష్ట్రంలోని 194 మోడల్ స్కూళ్లలో విధులు నిర్వహిస్తున్న సుమారు మూడు  వేల మంది ఉపాధ్యాయులు ఒకే నోటిఫికేషన్ కింద నియమితులయ్యారు. కానీ, నియామకాల్లో జరిగిన అలస్యం కారణంగా 2013 బ్యాచ్‌లో 1,850 మంది, 2014 బ్యాచ్‌లో 1,156 మంది ఉపాధ్యాయు లు నియామకాలు పొందాల్సి వచ్చింది. వీరంతా ఒకే నోటిఫికేషన్ కింద నియమితులైనప్పటికీ ఈ రెండు బ్యాచ్‌ల మధ్య వేతన వ్యత్యాసం ఏర్పడింది.

ఈ నేపథ్యంలో 2014 బ్యాచ్‌కు చెందిన 128 మంది ఉపాధ్యాయులు 2013 బ్యాచ్ తరహాలోనే తమ కూ మూలవేతనం అమలు చేయాలని గతం లో హైకోర్టును ఆశ్రయించారు. విచారణ చేపట్టిన కోర్టు మూలవేతనం అమలు చే యాలని ప్రభుత్వానికి అప్పట్లో ఆదేశించింది. ప్రభుత్వ అమలులో ఆలస్యం జరగ డంతో కోర్టు ధిక్కరణ పిటిషన్‌ను ఇటీవల వేయడంతో నవంబర్ 13, 27వ తేదీల్లో విచారణ చేపట్టిన కోర్టు..

వెంటనే అమలు చేయాలని ఆదేశిస్తూ డిసెంబర్ 4 వరకు గడువు ఇచ్చింది. ఈ క్రమంలోనే తాజాగా ఆ ఫైల్‌పై సీఎం రేవంత్ రెడ్డి  సంతకం పూర్త యి, విద్యాశాఖకు చేరింది. నేడో రేపో దీనికి సంబంధించిన ఉత్తర్వులు విడుదలయ్యే అవకాశముంది. ప్రభుత్వ నిర్ణయంపై తెలంగాణ మోడల్ స్కూల్స్ టీచర్స్ అసోసియేషన్ రాష్ట్ర అధ్యక్షుడు భూతం యాకమల్లు, ప్రధానకార్యదర్శి కే నాగేశ్  హర్షం వ్యక్తం చేశారు. ప్రభుత్వానికి కృతజ్ఞతలు తెలుపుతూ ఆదివారం ఒక ప్రకటన విడుదల చేశారు.