హైదరాబాద్: కన్నడ భాష పరిణామానికి సంబంధించి 'థగ్ లైఫ్' ఆడియో ఆవిష్కరణ కార్యక్రమంలో తాను చేసిన ప్రకటనను తప్పుగా అర్థం చేసుకున్నారని, తన మాటలను సందర్భం నుంచి తొలగించారని నటుడు కమల్ హాసన్(Kamal Haasan) మంగళవారం పేర్కొన్నారు. కర్ణాటక ఫిల్మ్ ఛాంబర్ ఆఫ్ కామర్స్ (Karnataka Film Chamber of Commerce)కి లేఖ రాసిన ప్రఖ్యాత నటుడు, చిత్ర సంఘం ఆందోళనను అంగీకరిస్తూ ఇలా అన్నారు. థగ్ లైఫ్ ఆడియో లాంచ్(Thug Life Audio Launch)లో తను చేసిన ప్రకటన, లెజెండరీ డాక్టర్ రాజ్ కుమార్ కుటుంబం పట్ల, ముఖ్యంగా శివ రాజ్ కుమార్ పట్ల నిజమైన ప్రేమతో చేసినది. తప్పుగా అర్థం చేసుకున్నారని అన్నారు. 

"మనమందరం ఒకటే, ఒకే (భాషా) కుటుంబం నుండి వచ్చాం" అని మాత్రమే తాను చెప్పదలచుకున్నానని, కన్నడ భాషను ఏ విధంగానూ తగ్గించాలని దీని ఉద్దేశ్యం కాదని ఆయన లేఖలో రాశారు. కన్నడ భాష గొప్ప వారసత్వంపై ఎటువంటి వివాదం లేదా చర్చ లేదని ఆయన స్పష్టం చేశారు. కర్ణాటక ప్రజల పట్ల లోతైన గౌరవంతో తాను ఈ లేఖ రాస్తున్నానని కమల్ హాసన్ వివరించారు.

జాన్ 5న 'థగ్ లైఫ్' సినిమా విడుదల కానుంది. ఇటీవల జరిగిన 'థగ్ లైఫ్' ప్రీ రిలీజ్ కార్యక్రమంలో తమిళం నుంచి కన్నడ పట్టిందని కమల్ చేసిన వ్యాఖ్యలు తీవ్ర దుమారం రేపాయి. ఆయన చేసిన వ్యాఖ్యాలపాట్లు అధికార, విపక్ష పార్టీలతో పాటు కర్ణాటక ఫిల్మ్ ఛాంబర్ ఆఫ్ కామర్స్ తీవ్రంగా స్పందించింది. కన్నడ నిర్మాతల మండలి థగ్ లైఫ్ సినిమాపై కర్ణాటకలో నిషేధం విధించింది.