పోగొట్టుకున్న సెల్‌ఫోన్ అందజేత

వాంకిడి,(విజయక్రాంతి): పోగొట్టుకున్న సెల్‌ఫోన్‌ను సీఈఐఆర్ (సెంట్రల్ ఎక్విప్‌మెంట్ ఐడెంటిటీ రిజిస్టర్) పోర్టల్ ద్వారా ఆచూకీ గుర్తించి శుక్రవారం బాధితుడికి అప్పగించినట్లు ఎస్సై మహేందర్ తెలిపారు. జంబులధరి గ్రామానికి చెందిన బలవంతరావు వాంకిడి మార్కెట్ ప్రాంతంలో తన సెల్‌ఫోన్‌ను పోగొట్టుకున్నాడు. అదే రోజు స్థానిక వాంకిడి పోలీస్ స్టేషన్‌లో ఫిర్యాదు చేశాడు.పోలీసులు సీఈఐఆర్ పోర్టల్‌లో ఫోన్ వివరాలు నమోదు చేసి, సెల్‌ఫోన్ ఆచూకీ కనుగొని స్వాధీనం చేసుకొని బాధితుడికి అప్పగించినట్లు ఎస్సై తెలిపారు. సెల్‌ఫోన్ పోగొట్టుకున్న వెంటనే సమీప పోలీస్ స్టేషన్‌లో ఫిర్యాదు చేయాలని ఆయన సూచించారు.