ప్రమాదవశాత్తు చెరువులో పడి వ్యక్తి మృతి

ధర్మపురి,ఏప్రిల్15 (విజయక్రాంతి):వెల్గటూర్ మండలం ముక్కట్రావుపేట గ్రామానికి చెందిన అంకతి పెద్ద కోటయ్య (65) ప్రమాదవశాత్తు చెరువులో పడి మృతి చెందాడు. ఎస్త్స్ర పి. ఉదయ్ కుమార్ తెలిపిన వివారాల ప్రకారం మృతుడు కూలీ పనులు చేసుకొని జీవిస్తాడు. ఈ నెల 14వ తేదీన ఉదయం 8గంటలకు ఇంటి నుంచి పశువులు మేపడానికి వెళ్లి, అట్టి పశువులు కప్పారావుపేట గ్రామ శివారులో గల చెరువులోకి పోగా, వాటిని తోలడానికి మృతుడు కోటయ్య చెరువులోకి దిగగా, ప్రమాదవశాత్తు నీటిలో మునిగి మరణించినాడు.

అతని కొడుకు అంకతీ రవి ఇచ్చిన ఫిర్యాది కేసు నమోదు చేసి, దర్యాప్తు లో భాగంగా మృతుడు చనిపోయిన స్థలాన్ని సందర్శించి, మృతుడి శవాన్ని చెరువులోంచి బయటకు తీపించి అక్కడే శవ పంచనామా నిర్వహించి ఆ తర్వాత మృతుడి శవంకు పోస్ట్ మార్టం నిమ్మితం ప్రభుత్వ ఆసుపత్రి, జగిత్యాల కు తరలించినట్లు పేర్కొన్నారు. కుటుంబ సభ్యులు ఇచ్చిన ఫిర్యాదు మేరకు కేసు నమోదు చేసి దర్యాప్తు ప్రారంభినట్లు ఎస్త్స్ర ఉదయ్ కుమార్ పేర్కొన్నారు.