హైటెక్ సిటీలో మెక్‌డొనాల్డ్స్ గ్లోబల్ కార్యాలయాన్ని ప్రారంభం

హైదరాబాద్: గ్లోబల్ ఫాస్ట్ ఫుడ్ దిగ్గజం మెక్‌డొనాల్డ్స్ గ్లోబల్ కెపాబిలిటీ సెంటర్ ను బుధవారం హైటెక్ సిటీలో ప్రారంభించింది. హైదరాబాద్‌లోని హైటెక్ సిటీలో  1.56 లక్షల చదరపు అడుగుల విస్తీర్ణంలో స్థాపించిన గ్లోబల్ ఆఫీస్ (గ్లోబల్ కెపాబిలిటీ సెంటర్)ను ఉప ముఖ్యమంత్రి భట్టి విక్రమార్క, ఐటీ, పరిశ్రమల మంత్రి దుద్దిల్ల శ్రీధర్ బాబు ప్రారంభించారు. అమెరికాలో అతిపెద్ద కేంద్రంగా గుర్తింపు పొందిన మెక్‌డొనాల్డ్స్ ఇన్నోవేషన్, ఎంటర్‌ప్రైజ్ కార్యకలాపాలకు గ్లోబల్ హబ్‌గా పనిచేస్తుంది.

ఈ సందర్భంగా మంత్రులు మాట్లాడుతూ... కొత్త జీసీసీ 1,200 కంటే ఎక్కువ మంది అత్యంత నైపుణ్యం కలిగిన నిపుణులకు ఉపాధిని కల్పిస్తుందని, అదే సమయంలో రియల్ ఎస్టేట్, సేవలు, లాజిస్టిక్స్ వంటి అనుబంధ రంగాలకు కూడా ప్రయోజనం చేకూరుస్తుందని భావిస్తున్నారు. అతేకాకుండా ఈ కేంద్రం మెక్‌డొనాల్డ్స్ ప్రపంచ కార్యకలాపాలను నడిపించడమే కాకుండా, హైదరాబాద్ ప్రతిభ, మౌలిక సదుపాయాలు, అనుబంధ పరిశ్రమల పర్యావరణ వ్యవస్థను బలోపేతం చేస్తుంది. అటువంటి ప్రతి సహకారం తెలంగాణను వృద్ధి, అవకాశాల నిజమైన ప్రపంచ కేంద్రంగా మార్చాలనే మా నిబద్ధతను బలోపేతం చేస్తుందని మంత్రుల పేర్కొన్నారు.