హైదరాబాద్: ముఖ్యమంత్రి రేవంత్ రెడ్డిని(CM Revanth Reddy) హైదరాబాద్ లోక్‌సభ సభ్యుడు అసదుద్దీన్ ఓవైసీ, ఎంఐఎం శాసనసభా పక్ష నేత అక్బరుద్దీన్ ఓవైసీ శుక్రవారం నాడు కలిశారు. అసద్ తో పాటు మర్కజ్ మిలాద్ జులూస్ కమిటీ సభ్యులు సీఎంను కలిశారు. ఈద్ మిలాద్ ఉన్ నబీ సందర్భంగా పురాతన మసీదులు, దర్గాలను అలంకరించాలని, వాటికి ఉచిత విద్యుత్ సరఫరా అందించాలని ఈ సందర్భంగా వారు విజ్ఞప్తి చేశారు. అలాగే సెప్టెంబర్ 14న రాష్ట్ర వ్యాప్తంగా ప్రదర్శనలు నిర్వహించుకోవడానికి అనుమతి ఇవ్వాలని సీఎంను కోరారు.