కాంగ్రెస్ ప్రభుత్వంతోనే నిరుపేదల సొంతింటి కల సాకారం

ఎమ్మెల్యే వీర్లపల్లి శంకర్

ఇందిరమ్మ ఇల్లు గృహప్రవేశ కార్యక్రమంలో పాల్గొన్న ఎమ్మెల్యే

షాద్‌నగర్,(విజయక్రాంతి): రంగారెడ్డి జిల్లా షాద్‌నగర్ మున్సిపల్‌లో 26వ వార్డులో ఇందిరమ్మ ఇల్లు గృహప్రవేశ కార్యక్రమంలో  ఎమ్మెల్యే వీర్లపల్లి శంకర్(MLA Veerlapally Shankar ) పాల్గోని ఇందిరమ్మ ఇల్లును ప్రారంభించారు అనంతరం లబ్ధిదారులకు నూతన వస్త్రాలు అందజేసి శుభాకాంక్షలు తెలిపారు. ఈ సంధర్భంగా ఎమ్మెల్యే వీర్లపల్లి శంకర్ మాట్లాడుతూ.... రాష్ట్ర ప్రభుత్వం ప్రతిష్టాత్మకంగా చేపట్టిన ఇందిరమ్మ ఇండ్ల పంపిణీ కార్యక్రమంతో నిరుపేద కుటుంబాల సొంతింటి కళ సాకారం అవుతుందని తెలిపారు.

పట్టణంలో గ్రామాల్లో అన్ని విధాలుగా సర్వే చేసి గ్రామసభలు పెట్టి ఇందిరమ్మ కమిటీలు, అధికారుల పర్యవేక్షణలో ఇందిరమ్మ ఇల్లు అందిస్తున్నామని అన్నారు. లబ్ధిదారుల ఎంపిక నిష్పక్షపాతంగా పార్టీలకు అతీతంగా జరిగిందని, అర్హులైన పేదలకు అందరికీ విడతల వారిగా ఇందిరమ్మ ఇళ్లను అందిస్తామని తెలిపారు. ఈ కార్యక్రమంలో మున్సిపల్ చైర్మన్ బసవేశ్వర్, మార్కెట్ కమిటీ వైస్ చైర్మన్ బాబర్ ఖాన్, కౌన్సిలర్లు తదితరులు పాల్గొన్నారు.