గుంజపడుగు గ్రామంలో ఇక కోతుల బెడదకు చెక్

విన్నుత నిర్ణయం తీసుకున్న సర్పంచ్ సంధ్యబనేష్

మంథని,(విజయక్రాంతి): మంథని మండలంలోని గుంజపడుగు గ్రామంలో ఇక కోతుల బెడద కు స్థానిక సర్పంచ్ చెక్ పెట్టారు. గ్రామంలో కోతుల బెడద ఎక్కువగా ఉండడంతో వినూత్నంగా ఆలోచించి ఒక మనిషికి చింపాంజీ వేషం వేయించారు. దీంతో అ చింపాంజీ వేషంలో ఉన్న మనిషి గ్రామంలో ఊరంతా తిరుగుతూ కోతులు ఎక్కడ ఉంటే అక్కడికి వెళ్ళినప్పుడు అ  చింపాంజీ రూపంలో ఉన్న మనిషిని చూసిన కోతులు భయంతో బింబలెత్తిపోయి పరుగెత్తుతున్నాయి.  ఇది చూసిన గ్రామస్థులు హర్షం వ్యక్తం చేశారు. గ్రామస్తులంతా విన్నుతో నిర్ణయం తీసుకున్న సర్పంచిని పంచాయతీ కార్యదర్శిని పాలకవర్గాన్ని అభినందిస్తున్నారు.  ఈ కార్యక్రమంలో గ్రామ సర్పంచ్ దండవేన సంధ్య - బానేష్ తో కార్యదర్శి భానుప్రసాద్, పాలకవర్గం గ్రామస్తులు పాల్గొన్నారు.