మోగ్లీ వచ్చేది అప్పుడే

రోషన్ కనకాల హీరోగా నటిస్తున్న చిత్రం ‘మోగ్లీ 2025’. ‘కలర్ ఫోటో’ చిత్రంతో జాతీయ అవార్డు అందుకున్న సందీప్ రాజ్ దర్శకత్వం వహిస్తున్న యూనిక్ రొమాంటిక్ యాక్షన్ డ్రామా సినిమా ఇది. టీజీ విశ్వప్రసాద్, కృతి ప్రసాద్ నిర్మిస్తున్నారు. ప్రస్తుతం ఈ మూవీ ప్రొడక్షన్ చివరి దశలో ఉంది. నిర్మాతలు శనివారం సినిమా విడుదల తేదీని ప్రకటించారు. డిసెంబర్ 12న థియేటర్ల లోకి వస్తుందని వెల్లడించారు.

ఈ చిత్రంలో సాక్షి సాగర్ మడోల్కర్ హీరోయిన్. బండి సరోజ్‌కుమార్ ఒక బలమైన విలన్ పాత్రను పోషిస్తుండగా, హర్ష చెముడు మరో కీలక పాత్రలో కనిపించనున్నారు. ఈ చిత్రానికి సంగీతం: కాల భైరవ; డీవోపీ: రామ మారుతి ఎం; ఎడిటర్: కోదాటి పవన్ కళ్యాణ్; ఆర్ట్: కిరణ్ మామిడి.