మునిపల్లి, నవంబర్ 30: రెండో విడత సర్పంచ్ ఎన్నికల నేపథ్యంలో ఆదివారం మునిపల్లి మండలంలోని 30 గ్రామ పంచాయతీలకుగాను సర్పంచ్ స్థానాలకు 17 మంది, 22 వార్డులకు గాను 23 మంది నామినేషన్లు దాఖలు చేసినట్టు మునిపల్లి ఎంపీడీవో హరినందన్ రావు తెలిపారు. ఈ సందర్భంగా మండలంలోని ఆయా క్లస్టర్ల వారీగా నామినేషన్లు వేసేందుకు అన్ని ఏర్పాట్లు చేసినట్టు ఆయన తెలిపారు. అలాగే మండలంలోని అల్లాపూర్ గ్రామ సర్పంచ్ అభ్యర్థిగా నామినేషన్ వేసేందుకు ప్రత్యేకంగా ఎద్దుల బండిపై ర్యాలీగా బయలుదేరి మునిపల్లి చౌరస్తా మీదిగా మునిపల్లి రైతు వేదిక వద్దకు చేరుకొని తమ నామినేషన్ ను దాఖలు చేశారు.