ఒక్క అడుగు

నీ పాదము మోపిన వేళ 

నిగనిగలాడే నల్ల బంగారం

నిన్ను చూసి మురిసి మురిసి 

తన విలువను తెలిపింది 

ఎద్దులేని ఎవుసం నీవు చేసే

ప్రకృతి సేద్యం పుడమితల్లికి 

మహాభాగ్యమనిపించింది 

గాలికి కదలని దీపాలు 

చీకటి చీల్చుకుంటూ 

రేపటి రంగురంగుల ఇంద్రచాపాలై

నిన్ను ఆకాశానికి చూపాయి 

అంతరిక్షానికి ఆదిమానవునికి

ఏదో ఋణానుబంధమే ఉంది

కాలం మహిమ ఏమో కానీ 

కదులుతున్న ప్రతిక్షణం 

మానవుని ఊపిరికి శ్వాసలా

నిరంతరం నిన్ను పరీక్షింపచేస్తుంది

ఒక్క అడుగు చాలు

నీ పయనం మొదలవటానికి 

గతించిన ఎన్నో దారులు 

నిన్ను కనుక్కోమని నీ మనసులో 

బీజం వేస్తుంది 

అడుగు వెనక అడుగువేస్తున్న

జనాల బాటకి సూత్రధారి నీవేనని 

నీ నేత్ర దర్శనం సుదీర్ఘమైతే 

సకలజనాలకు సౌభాగ్యమైతే

ఆ ఒక్క అడుగే అనంతాలకు 

అదృష్టరేఖ అవుతుంది 

ఏమీ తెలియని పసిపాపల

చిరునామాకి పునాది అవుతుంది 

ఒక్క అడుగే భావితరాల 

బంగారు భవిత అవుతుంది.

నీ పాదము మోపిన వేళ 

నిగనిగలాడే నల్ల బంగారం

నిన్ను చూసి మురిసి మురిసి 

తన విలువను తెలిపింది 

ఎద్దులేని ఎవుసం నీవు చేసే

ప్రకృతి సేద్యం పుడమితల్లికి 

మహాభాగ్యమనిపించింది 

గాలికి కదలని దీపాలు 

చీకటి చీల్చుకుంటూ 

రేపటి రంగురంగుల ఇంద్రచాపాలై

నిన్ను ఆకాశానికి చూపాయి 

అంతరిక్షానికి ఆదిమానవునికి

ఏదో ఋణానుబంధమే ఉంది

కాలం మహిమ ఏమో కానీ 

కదులుతున్న ప్రతిక్షణం 

మానవుని ఊపిరికి శ్వాసలా

నిరంతరం నిన్ను పరీక్షింపచేస్తుంది

ఒక్క అడుగు చాలు

నీ పయనం మొదలవటానికి 

గతించిన ఎన్నో దారులు 

నిన్ను కనుక్కోమని నీ మనసులో 

బీజం వేస్తుంది 

అడుగు వెనక అడుగువేస్తున్న

జనాల బాటకి సూత్రధారి నీవేనని 

నీ నేత్ర దర్శనం సుదీర్ఘమైతే 

సకలజనాలకు సౌభాగ్యమైతే

ఆ ఒక్క అడుగే అనంతాలకు 

అదృష్టరేఖ అవుతుంది 

ఏమీ తెలియని పసిపాపల

చిరునామాకి పునాది అవుతుంది 

ఒక్క అడుగే భావితరాల 

బంగారు భవిత అవుతుంది.

 బొమ్మిదేని రాజేశ్వరి