ట్రైబల్ మోడల్ స్పోర్ట్స్ స్కూల్ ప్రవేశానికి ఎంపికలు

మహబూబాబాద్,(విజయక్రాంతి): ఉమ్మడి వరంగల్ జిల్లాలో ఉన్న  ట్రైబల్ మోడల్ స్పోర్ట్స్ స్కూల్ కొత్తగూడలో ఐదవ తరగతిలో ప్రవేశాల కోసం శనివారం ట్రైబల్ వెల్ఫేర్ ఉపసంచాలకులు డీ.దేశి రామ్ నాయక్ ముఖ్య అతిథిగా పాల్గొని  జెండా ఊపి బ్యాటరీ టెస్ట్ లను ప్రారంభించారు. ఈ సందర్భంగా ఆయన మాట్లాడుతూ ఉమ్మడి వరంగల్ జిల్లా తరఫున 30 మంది విద్యార్థులు పాల్గోన్నారన్నారు. బ్యాటరీ టెస్ట్ ప్రక్రియ ఈ నెల 30 వరకు మోడల్ స్పోర్ట్స్ స్కూల్ కొత్తగూడలో కొనసాగుతుందన్నారు. ఈ కార్యక్రమంలో అధికారులు రాములు, జి సి డి ఓ విజయ, స్పోర్ట్స్ ఆఫీసర్ సిహెచ్ కొమ్మాలు, పాఠశాల హెచ్ఎం సుబ్బారావు, వ్యాయామ ఉపాధ్యాయులు, కోచ్ లు పాల్గొన్నారు.