సిద్దాపూర్ సర్పంచ్ గా పద్మ ప్రమాణ స్వీకారం

 బెజ్జూర్,(విజయక్రాంతి): బెజ్జూర్ మండలంలోని సిద్దాపూర్ గ్రామ సర్పంచ్ చెండే పద్మ, ఉప సర్పంచ్ కృష్ణ ప్రమాణ స్వీకారం చేశారు. స్పెషల్ ఆఫీసర్ సోయల్ సర్పంచ్ పద్మ, ఉప సర్పంచ్ కృష్ణ, వార్డు సభ్యులచే ప్రమాణ స్వీకారం చేయించారు.ఈ సందర్భంగా వార్డు సభ్యులు, గ్రామ ప్రజలు సర్పంచ్ ను ఉప సర్పంచ్ ను పూలమాలలు వేసి సాల్వతో ఘనంగా సత్కరించారు. ఈ సందర్భంగా సర్పంచ్ పద్మా మాట్లాడుతూ గ్రామంలోని సమస్యలను పరిష్కరించేందుకు కృషి చేస్తానని గ్రామపంచాయతీని ఆదర్శంగా గ్రామపంచాయతీ గా తీర్చిదిద్దుతానని తెలిపారు. గ్రామంలో ప్రజలు ఓటు వేసి గెలిపించినందుకు ప్రజలకు రుణపడి ఉంటారని అన్నారు. ఈ కార్యక్రమంలో గ్రామ కార్యదర్శి తుకారం, నాయకులు చెండే శంకర్, గ్రామ ప్రజలు పాల్గొన్నారు.