మహిళతో పాక్ క్రికెటర్ అసభ్య ప్రవర్తన

కొలంబో, మార్చి 5 : టీ20 ప్రపంచ కప్ నుంచి పాకిస్థాన్ జట్టు సూపర్‌లోనే నిష్క్రమించినా.. ఆ జట్టును వివాదాలు మాత్రం వదలడం లేదు. ఈ టోర్నీ సందర్భం గా పాకిస్థాన్‌కు చెందిన ఓ క్రికెటర్ హోటల్ మహిళా సిబ్బందితో అసభ్యంగా ప్రవర్తించినట్లు వెలుగులోకి రావడం ఇప్పుడు క్రీడా ప్రపంచంలో సంచలనం రేపుతోంది. సూపర్-8 దశలోఆతిథ్య శ్రీలంకతో చివరి మ్యాచ్‌కు ముందు రోజు ఈ ఘటన జరిగింది. కాండీలోని గోల్డెన్ క్రౌన్ హోటల్లో బస చేసిన పాక్ జట్టులోని ఒక ఆటగాడు, హౌస్ కీపింగ్ విభాగంలో పనిచేస్తున్న మహిళా సిబ్బందితో అసభ్యంగా ప్రవర్తించాడు.

బాధితురాలు గట్టిగా అరిచి సహాయం కోరడంతో తోటి హోటల్ సిబ్బంది ఆమెను రక్షించారు. ఈ విషయాన్ని హోట ల్ యాజమాన్యం సీరియస్‌గా తీసుకుని పాకిస్థాన్ టీమ్ మేనేజర్ నవైద్ చీమాకు ఫిర్యాదు చేసింది. హోటల్ మేనేజ్‌మెంట్ పోలీసులకు కూడా ఫిర్యాదు చేసేందుకు సిద్ధమవగా నవైద్ చీమా పాక్ జట్టు తరపున క్షమాపణలు చెప్పారు. అనంతరం సదరు క్రికెటర్‌కు భారీ జరిమానా విధించి విషయాన్ని సద్దుమణిగేలా చేశారు. సదరు ఆటగాడి పేరును మేనేజ్‌మెంట్ ఇంకా గోప్యంగా ఉంచినప్పటికీ.. అతనిపై పాక్ బోర్డు చర్యలు తీసుకోనుంది.