అధిక వేగంతో కారు బోల్తా

స్వల్ప గాయాలతో బయటపడ్డ ప్రయాణికులు

కోనరావుపేట,(విజయక్రాంతి): కోనరావుపేట మండల కేంద్రంలోని కాలేజీ సమీపంలో సోమవారం కారు అదుపుతప్పి బోల్తా పడిన ఘటన చోటుచేసుకుంది. నరసింహలపల్లె గ్రామానికి చెందిన వ్యక్తులు ప్రయాణిస్తున్న కారు అకస్మాత్తుగా అదుపుతప్పి రోడ్డు కింద ఉన్న పొలంలో పల్టీ కొట్టింది. డ్రైవర్ అజాగ్రత్తతో పాటు అధిక వేగమే ప్రమాదానికి కారణమై ఉండవచ్చని స్థానికులు తెలిపారు.

ప్రమాద సమయంలో కారులో ఉన్నవారు స్వల్ప గాయాలతో బయటపడగా, స్థానికులు వెంటనే సంఘటనా స్థలానికి చేరుకుని సహాయక చర్యలు చేపట్టారు.ప్రమాదానికి సంబంధించిన పూర్తి వివరాలు ఇంకా తెలియరాలేదు. ఘటనపై మరిన్ని వివరాలు తెలియాల్సి ఉంది.