ఆన్‌లైన్‌ బెట్టింగ్‌పై తెలంగాణ CID బిగ్ ఆపరేషన్.. 11 మంది అరెస్ట్

నిందితుల కోసం 3 రాష్ట్రాల్లో ఆపరేషన్

బెట్టింగ్ యాప్ లపై 414 కేసులు

ఆన్‌లైన్ బెట్టింగ్ రాకెట్‌పై తెలంగాణ CID భారీ ఆపరేషన్

హైదరాబాద్: దేశవ్యాప్తంగా ఆన్‌లైన్ బెట్టింగ్( Betting Racket) నిర్వహిస్తూ రూ.వందల కోట్లు కొల్లగొట్టిన ముఠా గుట్టురట్టు అయింది. ఆన్ లైన్ బెట్టింగ్ పై తెలంగాణ సీఐడీ అధికారులు(Telangana CID) కీలక ఆపరేషన్ చేపట్టారు. ఆన్ లైన్ బెట్టింగ్, గేమింగ్ నిర్వహిస్తున్న 11 మందిని అరెస్ట్ చేశారు. నిందితుల నుంచి బెట్టింగ్ పరికరాలు, మొబైల్స్, ల్యాప్ టాప్స్ స్వాధీనం చేసుకున్నట్లు అధికారులు పేర్కొన్నారు. 40 మంది పోలీసుల బృందం నిందితుల కోసం 3 రాష్ట్రాల్లో ఆపరేషన్ నిర్వహించినట్లు సీఐడీ చీఫ్ తెలిపారు. 11 మంది నిందితుల్లో నలుగురు అఫ్గానిస్తాన్ వాసులు ఉన్నారని సీఐడీ తెలిపింది. బెట్టింగ్ యాపులపై ఇప్పటివరకు 414 కేసులు నమోదయ్యాయని, బెట్టింగ్ నిర్వహిస్తున్న 108 యాప్ లను గుర్తించామని సీఐడీ చీఫ్ చారు సిన్హా(CID Chief Charu Sinha) ప్రకటించారు.