న్యూఢిల్లీ: ఆంధ్రప్రదేశ్‌లోని శ్రీకాకుళంలోని వెంకటేశ్వర స్వామి ఆలయంలో(Lord Venkateswara Swamy Temple) శనివారం జరిగిన తొక్కిసలాటలో(Kashi Bugga incident) కనీసం 10 మంది మరణించారు. కాశీబుగ్గ తొక్కిసలాట(Kashibugga stampede) ఘటనపై ప్రధానమంత్రి నరేంద్ర మోడీ(Prime Minister Narendra Modi) దిగ్భ్రాంతి వ్యక్తం చేశారు. మృతుల కుటుంబాలకు మోదీ ప్రగాఢ సానుభూతి తెలిపారు. క్షతగాత్రులను త్వరగా కోలుకోవాలని ప్రధాని ప్రార్థించారు. మృతుల కుటుంబాలకు రూ. 2 లక్షలు, క్షతగాత్రులకు రూ. 50 వేల చొప్పున నరేంద్ర మోదీ పరిహారం ప్రకటించారు.

 ఈ సంఘటన తనను తీవ్ర దిగ్భ్రాంతికి గురి చేసిందని, మృతుల కుటుంబాలకు తన సంతాపాన్ని తెలియజేస్తూ.. ''ఆంధ్రప్రదేశ్‌లోని శ్రీకాకుళం జిల్లా కాశీబుగ్గలో ఉన్న శ్రీ వెంకటేశ్వర స్వామి దేవస్థానంలో జరిగిన తొక్కిసలాట ఘటనలో భక్తులు ప్రాణాలు కోల్పోవడం నాకు తీవ్ర దిగ్భ్రాంతిని కలిగించింది. మరణించిన భక్తుల కుటుంబాలకు నా హృదయపూర్వక సానుభూతి తెలియజేస్తున్నాను. గాయపడిన భక్తులు త్వరగా కోలుకోవాలని ప్రార్థిస్తున్నాను.'' అంటూ అమిత్ షా ఎక్స్ లో పోస్టు చేశారు.  ఈ విషాద సంఘటనపై ఆంధ్రప్రదేశ్ ముఖ్యమంత్రి చంద్రబాబు తక్షణమే స్పందించి, గాయపడిన వారికి త్వరితగతిన సరైన చికిత్స అందేలా చూడాలని అధికారులను ఆదేశించినట్లు చెప్పారు. అలాగే, క్షేత్రస్థాయిలో సహాయక చర్యలను పర్యవేక్షించాలని స్థానిక అధికారులను కోరినట్లు కూడా ఆయన చెప్పారు.