ఘనంగా ఎల్లారం పోచమ్మ బోనాలు

బెజ్జూర్, ఫిబ్రవరి 5 (విజయక్రాంతి): మండలంలోని మత్తడి స్ప్రింగ్ గానకట్ట సమీపంలో ఎల్లారం పోచమ్మ బోనాలు భక్తిశ్రద్ధలతో ఘనంగా నిర్వహించారు. బోనాలను అమ్మవారికి సమర్పించి మొక్కలు చెల్లించుకున్నారు. రెబ్బన మండలంలోని ఇందిరానగర్ శ్రీ కనక దుర్గాదేవి స్వయంభూ శ్రీ మహంకాళి దేవస్థాన ప్రధాన అర్చకుడు దేవర వినోద్‌స్వామి ప్రత్యేక పూజలు నిర్వహించారు. ఈ కార్యక్రమంలో ఆలయ కమిటీ అధ్యక్షుడు జిల్లాల సుధాకర్ గౌడ్, జాతర నిర్వాహకులు కొండవీటి భాస్కర్ రాజ్, సర్పంచ్ చెండే పద్మ శంకర్, కృష్ణ పల్లి సర్పంచ్ లావణ్య, కొట్రంగి రామకృష్ణ, కేశెట్టి శ్రీనివాస్, గోపాల్, వెంకటి, సామల తిరుపతి, విట్టయ్య భక్తులు పెద్ద ఎత్తున పాల్గొన్నారు.