ఉప్పల్ (విజయక్రాంతి): ఉరి వేసుకుని కానిస్టేబుల్ ఆత్మహత్యకు పాల్పడిన సంఘటన ఉప్పల్ పోలీస్ స్టేషన్ పరిధిలో చోటుచేసుకుంది. వివరాల్లోకెళ్తే ఉప్పల్ మల్లికార్జున నగర్ లో నివాసం ఉంటున్న శ్రీకాంత్(42) 2009 సంవత్సరంలో కానిస్టేబుల్ ఉద్యోగం సాధించాడు. ప్రస్తుతం శ్రీకాంత్ ఫిలింనగర్ పోలీస్ స్టేషన్లో కానిస్టేబుల్ గా విధులు నిర్వహిస్తున్నాడు. గత నెల 23వ తారీకు నుండి విధులు హాజరుకాకుండా ఇంట్లోనే ఉంటున్నాడు. ఈ క్రమంలో ఫిలింనగర్ పోలీస్ స్టేషన్ అధికారులు విధులకు హాజరుకావాలని నోటీసులు జారీ చేశారు. అనంతరం శ్రీకాంత్ ఫ్యాన్ ఉరేసుకుని ఆత్మహత్యకు పాల్పడ్డాడు. గమనించిన స్థానికులు ఉప్పల్ పోలీస్ స్టేషన్ కు సమాచారం అందించారు. పోలీసులు సంఘటన స్థలానికి చేరుకొని మృతదేహంని పోస్టుమార్టం నిమిత్తం గాంధీ హాస్పిటల్ తరలించారు. ఆర్థిక ఇబ్బందుల వలన ఆత్మహత్య చేసుకున్నాడా మరి ఏమైనా కారణం ఉందా అనే కోణంలో పోలీసు దర్యాప్తు చేస్తున్నారు.