అక్రమ ఇసుక రవాణాపై పోలీసుల దాడి

ట్రాక్టర్ సీజ్.. కేసు నమోదు

పెంచికలపేట,(విజయ క్రాంతి): పెంచికలపేట మండల కేంద్ర పరిధిలోని పెద్దవాగు నుంచి అక్రమంగా ఇసుక తరలిస్తున్న ట్రాక్టర్‌ను పోలీసులు స్వాధీనం చేసుకుని కేసు నమోదు చేసినట్లు ఎస్సై అనిల్ కుమార్ తెలిపారు. పెద్దవాగు ప్రాంతంలో తనిఖీలు నిర్వహించగా, ఎలాంటి అనుమతులు లేకుండా ఇసుక రవాణా చేస్తున్న ట్రాక్టర్‌ను గుర్తించినట్లు ఎస్సై తెలిపారు. వెంటనే వాహనాన్ని సీజ్ చేసి సంబంధిత వ్యక్తిపై కేసు నమోదు చేసినట్లు పేర్కొన్నారు. అక్రమ ఇసుక రవాణాపై ప్రత్యేక నిఘా కొనసాగుతుందని, అనుమతులు లేకుండా ఇసుక తరలిస్తే కఠిన చట్టపరమైన చర్యలు తీసుకుంటామని ఎస్సై హెచ్చరించారు. ఈ తనిఖీల్లో పోలీసు సిబ్బంది పాల్గొన్నారు.