మంథని ఎస్ఐ-2 సాగర్

మంథని,(విజయక్రాంతి): గ్రామ పంచాయతీ ఎన్నికలు ప్రశాంతంగా నిర్వహించేందుకు పోలిస్ లకు గ్రామ ప్రజలు, ప్రజా ప్రతినిధులు సహకరించాలని మంథని ఎస్ఐ -2 సాగర్ అన్నారు.  శనివారం మండలంలోని గుంజపడుగు తదితర గ్రామాల్లో జరుగుతున్న గ్రామ పంచాయతీ ఎన్నికల నామినేషన్ సెంటర్ లను ఎస్ఐ తన సిబ్బందితో పరిశీలించారు.

ఈ సందర్భంగా ఎస్ఐ మాట్లాడుతూ గ్రామ పంచాయతీ ఎన్నికలు ప్రశాంతంగా నిర్వహించేందుకు రామగుండం సీపీ ఆదేశాలతో గోదావరిఖని ఏసీపీ, మంథని సీఐ సూచనలతో సమస్యాత్మక గ్రామాలలో భారీ బందోబస్తు ను ఏర్పాటు చేశామని ఎస్ఐ తెలిపారు. ఎన్నికల్లో గోడవలు సృష్టించే వారి పై ప్రత్యేక నిఘా ఏర్పాటు చేశామని, గోడవలు సృష్టించే వారిపై కఠిన చర్యలు తప్పవని ఎస్ఐ హెచ్చరించారు.