శభాష్ ప్రజ్ఞానంద

ప్రపంచ రెండో ర్యాంకర్‌పై ఘనవిజయం

టాప్ ప్రవేశం

స్టావెంజర్: భారత యువ గ్రాండ్‌మాస్టర్ ప్రజ్ఞానంద మరోసారి సత్తాచాటాడు. ఇటీవల ప్రపంచ చాంపియన్ మాగ్నస్ కార్ల్‌సన్‌ను చిత్తుచేసిన ఈ చెన్నై చిన్నోడు. ఇప్పుడు ప్రపంచ రెండో ర్యాంకర్ ఫాబియాన్ కరునా (అమెరికా)పై గెలిచి అంతర్జాతీయ చెస్ ఫెడరేషన్ ప్రపంచ ర్యాంకింగ్స్‌లో టాప్ అడుగుపెట్టాడు. నార్వే చెస్ టోర్నీ ఐదో రౌండ్‌లో తెల్ల పావులతో బరిలోకి దిగిన ప్రజ్ఞానంద.. 40 ఎత్తుల్లో కరున ఆట కట్టించాడు. ఐదు రౌండ్లు ముగిసేసరికి 8.5 పాయింట్లు ఖాతాలో వేసుకున్న ప్రజ్ఞానంద.. మూడో స్థానంలో కొనసాగుతున్నాడు. హికారు నకుమురా (అమెరికా) 10 పాయింట్లతో అగ్రస్థానంలో ఉండగా.. కార్ల్‌సన్ (నార్వే) 9 పాయింట్లతో రెండో ప్లేస్‌కు పరిమితమయ్యాడు. మరో ఐదు రౌండ్లు మిగిలి ఉన్న ఈ క్లాసికల్ ఈవెంట్‌లో విజేతగా నిలవడమే తన లక్ష్యమని ప్రజ్ఞానంద వెల్లడిం చాడు. మహిళల విభాగంలో ప్రజ్ఞానంద సోదరి, గ్రాండ్‌మాస్టర్ వైశాలీ.. టింగ్‌కీ లీ (చైనా) పై గెలవగా.. మెన్‌జున్ జు (చైనా) చేతిలో కోనేరు హంపీ పరాజయం పాలైంది.